katbakkies

[Lox]

om een of ander rede het ek en die vrou noodgedwonge 3 ure in die omgewing deurgebring. Nou sal jy seker wonder hoe dan so.


Gelukkig vir 'n enjin olie liggie wat werk.
Ek het geleer wanner hy rooi brand stop jy eerder.

So ry ons Katbakkiespas af, steiler as steil, ek ry in 1 ste rat daar af en dan is dit steeds te vinnig dat ek gereeld rem moet trap. So vat ons maar ons tyd, is mos nie haastig nie, wil darem net voor donker by die huis wees. Dis nog 116 km en nog so 1 uur 45 minute se ry. Daar amper heel onder begin die liggie flikker en ek sê vir Albertus wat gaan nou hier aan. Ek reken dis die afdraand wat se steil is dat die olie vorentoe loop en nie deur die olie pomp opgetel word nie. Ry verder en toe ek oor die brug ry is die bakkie darem al weer op gelyk grond en die liggie gaan dood.....en ja wraggies daar flikker hy weer. Stop toe so 200 meter anderkant die brug langs die bloekom bos en kyk gou wat gaan aan...........
verassing waarvoor ons nie lus was nie......hele enjin is met olie bespuit.....iewers is iets stukkend wat olie laat spuit. Dis hoe ek en sy toe noodgedwonge daar langs die pad uitspan en ek later hierdie fotos kan neem. sou nooit daar stilhou om dit af te neem nie en sou ook nooit op son sak tyd daar gery het om die mooi te kon sien.

Dis 'n geluk met die ongeluk.

en nou wonder jy verder.......dis 'n storie op sy eie maar ons is weer tuis en die bakkie staan op Ceres om reg gemaak te word.

[Chichi]

sjoe jy neem mooi foto'tjies

[PM]

Die kontras in jou foto's is altyd treffend.
Jou volgende werkstuk vir die boek moet beslis jou beskrywings by hê, dit maak jou en die leser so deel van die "verhaal". 

[Meraai vannie Baai]

Ek stem ek stem!! Dis SOOO mooi Stoffel. Ons liefffff dit 

[PM]

Wonder waar is Stoffel?  Nee wag, laat ek liewers nie dink nie.   

[Lox]

hy maak reg vir die naweek se.........pekaters

[PM]

Julle ouens is so bevoorreg om sulke mooi plekke op julle agterstoep te hê.  Hier moet 'n ou ure ver ry en deur jou ore, of is dit nou deur jou nek ook, betaal vir alles.  Geniet die naweek Lox, en bring 'n mooi foto'tjie, spesiaal vir my, goed so?

[PM]

A ha!  Hier is daai mooi foto's van jou AB.  Ek wonder nou of dit telepatie was?

[AB]

boek fotos?

[PM]

Ek sou dit graag in die boek wou hê, maar ek respekteer dit dat jy nie hierdie keer wil deelneem nie. 

[AB]

PM ek het nie van daardie fotos onthou nie maar die probleem is ek het hulle nie meer nie, saam uitgebrand en al wat oor is is die op photobucket en die resolusie is te min vir foto druk. maar ek gaan weer iewers op i dag op so iets afkom en dan vir jou dit beskikbaarstel. ek sou graag wou deelneem maar het nei op die oomblik iets waarmee ek tevrede is nie.
strkete met jou boek werk, dis voorwaar i groot taak. gelukkig leer jy ook algaande.....

[PM]

Dankie AB.  Dit is 'n leerproses en daar is nog so baie om te leer.  Ek raak so gefrustreerd as ek 'n effek wil skep en ek kry dit nie reg nie.  Dalk sal ek na boek 3 baie meer weet as nou.  Nou praat ek van boek 3, want dit het al 'n paar bladsye in en jou naam staan bo aan die lys. 

[AB]

is reg so ek is by by boek 3 en ek hoop boeta ook