Jakkals se kind

[Assie]

Hulle se dit vat 8 jakkalse om 'n pelsjas te maak.
Ek het nie eers geweet jakkalse kan naaldwerk doen nie.

[PM]

    Ek ook nie.  Sê Hannes. 

[Meraai vannie Baai]

  Helllllllo Naas  Wonder hoeveel gesegdes is daar oor Jakkals se kind?  Assie jy het my nou aan die wonder. Sal moet gaan krap vir 'n antwoord nooi.

[Naas]

Ons sal moet loer...

[Naas]

Jakkals:
Dit gaan op 'n jakkalsdraffie = dit gaan redelik goed, of nie te goed en nie te sleg nie

Dit is die klein jakkalsies wat die wingerde verniel = klein foutjies veroorsaak groot moleste

Hoe kaler jakkals, hoe groter stert = wie die minste besit, wil die meeste spog

Iemand is 'n jakkals = 'n listige, skelm persoon

Jakkals prys sy eie stert = gesê van 'n persoon wat homself prys

Jakkals sê die druiwe is suur = gesê van iemand wat minagtend praat oor iets wat buite sy beheer is

Jakkals trou met wolf se vrou = die son skyn terwyl dit reën

Jakkals verander van hare maar nie van snare nie = 'n skelm mens verander uiterlik maar nie innerlik nie

Jakkalsdraaie maak/gooi/loop = slim uitvlugte uitdink
'n Kaal jakkals = persoon wat niks besit nie

Vir jakkals skaapwagter maak = die grootste skelm 'n verantwoordelike pos gee

[Assie]

Jakkals nooi vir gansie:
Kom eet vanaand by my.
Daar's heerlike kossies en uintjies uit die vlei.
Nee dankie,
Se die gansie:
As ek vanaand by jou kom eet
Vreet jy my sekerlik op.

[Meraai vannie Baai]

Dink ek so by myself - ons klompie sal voorwaar 'n dooie jakkals aan die draf praat in die mooiste taal Ai Assie, wanneer laas het ek daardie versie gehoor!

[Meraai vannie Baai]

Ek het 'n baie sterk vermoede gehad dat iemand  vir ons 'n klompie pragtige jakkals gesegdes gaan bring. Was nie verkeerd nie. Naas, jou doring.

[PM]

Dankie Naas, jou ou jakkals.