Desember!

[Anton Louw]

  Goeiedag alle mense en welkom hier op die eerste dag van Desember!    Mag julle almal 'n lekker laaste maand van die jaar hé!  Hopelik gaan dinge vir meeste van ons nou bedaar en kan ons meer tyd saam met familie en vriende spandeer.
Ek dink ook aan diegene vir wie Desember en kersfeestyd dalk nie iets is om n uit te sien nie, sterkte vir julle ook en mag dinge spoedig weer na normaal terugkeer vir julle 
As jy gaan kuirer, toer, vakansie hou of kamp? veilig reis!  Die wat moet vrugtekoek bak en groot kook vir die families, genieg dit.

'n Lekker, geseënde, voorspoedige, geseende, pretvolle en sommer net ' n spiekeries Desember maand vir almal! 

[Meraai vannie Baai]

Heerlik om in te stap met soveel mooi wense. Duisend en tien dankies Anton. Ons het so pas teruggekeer na ons weeklange wegbreek langs die kus. Nou vir die groot regmaak vir ons kersweek by die natuurlike warmwaterbronne saam met geliefde familie en vriende. Mag julle ook veilig ry en alles geniet kampmater. Emmers vol seenwense.

[Naas]

Ek sal maar op die draaibank kwyl terwyl julle kamp. My vrou werk die hele Desember, soos gewoonlik, en ek het nie geld om 'n stokkielekker te koop nie. So my kampplek is onder die lekker warm sinkdak van my werkswinkel waar ek hopelik 'n paar kersgeskenke vir my mense aanmekaar kan timmer.
Julle maak my net jaloers. Sies vir julle.

[Meraai vannie Baai]

In die gees gaan Outop en ek daar wees saam met jou onder die sinkdak liefste mater van ons. Sal wat wou gee om te sien hoe jy woel met die hande in die skeppingsproses van daardie hartsgeskenke 

[Naas]

Ek het al moed opgegee om hier prentjiesvte plak maar sal op gefreetboek wys wat ek gemaak het. natuurlik eers na kersfees.

[Meraai vannie Baai]

Ons plekke geboek in voorste gestoeltes 

[Meraai vannie Baai]

Dalk kan jy die fotos vir my met messenger stuur Naas, dan kan ek op die lang manier probeer vassit. Dit vat my ewigheid maar op die ou end kry mens darem ietsie geplaas om te kan wys.

[Naas]

Ek kan om die dood nie verstaan hoekom die forum se prentjies nie n maklike manier het vir plasing nie. Op Woes was dit net twee klikke oppie muis en siedaar. selfs die kampforum se prentjies plak maklik. Maar, nee, hier waar dit saakmaak moet ons mos ompaaie loop soek.
Ek drink sommer my badwater...

[Meraai vannie Baai]

Ek gebruik photobucket maar die rompslomp laat my soms gryp na soet koffie  vir my al genade om iets geplaas te kry. Ek kan Anton se fotos sien en geniet maar die res sien ek pornografiese kale woorde - nikse prentjies.

[Naas]

Van koffie gepraat... Dis al laat oggend hier by ons en ek besef nou my keel is droog en ek moet nog my handvol pille sluk.

[Meraai vannie Baai]

Sluk mater, sluk. Hier is dit vrek warm so ek gaan ietsie koels skink diekant van die aardbol.  Ons hou die nuus dop om te sien waar die brande trek. Verlede jaar het almal wat in ons omgewing geraak was hier in die cowboydorpie kom skuiling soek. Spesiale plek was ingerig vir die ouens wat moes ontruim. Stuur maar sebliefie so skietgebedjie op dat die rook ons nie oorval nie. 

[Assie]

OE Ta Raaitjie, dis vreeslik. Ons was net so benoud dat die groot brande by George in die kloof op sou waai. Ek dink aan Ta Raaitjie en Oom Outop.

[Meraai vannie Baai]

Dankie dierbaarste ou Assie  Ons nog veilig en die brande hele ent weg van ons af. Ek het my as afgeskrik toe Outop 'n waarskuwing lees dat die Millmerran pad (ons dorpie) geraak gaan word, maar dit van dorpie meer na Outbacks se koers hierheen wat geraak is. Meisiekind se sy het dadelik gegoogleloer om seker te maak presies vanwaar dit brand voor sy gil en begin pak 

[adele]

Desember! liewe Anton, dankie vir jou insig. jy het sommeersommerso ingeval by ons groepie en laat my dink aan Woesforum se dae. Heng, ons het darem daar gekuier. Iewers in die kuberruim moet daardie dae vasge'stêr' wees. Niks wat eenmaal die ruimte ingestuur is, raak mos helemal weg nie.

Ek werk ook die hele Desembermaand. My werksmandjie en werkslading raak voller en hoër, wanneer ander mense wil vakansie hou. Dit het nog nooit so swaar op my gerus as hierdie jaar nie. Dis asof ek smag na aftyd in hierdie dae om saam met my geliefdes deur te bring. Maar ek het 'n werk en elke keer as ek wil wegloop, vertel God aan my dat Hy nog iets hier het wat ek moet doen, al besef ek dit nie eers nie.

Wat 'n voorreg het jy nie, liewe Naas, om handgemaakte geskenke vir jou geliefdes te kan gee nie. Hoe bevoorreg is hulle nie om jou te hê nie, wow.

[PM]

Dit is 'n voorreg om handgemaakte geskenkies te kry.  Ek het 'n juwelekissie wat my pappie vir my mammie gemaak het, jarre der jarre gelede.  Ek pas dit soos goud op.  My jongste broertjie het 'n tafeltjie gemaak toe hy op skool was, in die houtwerkklas, ek het die voorreg om dit te hê en ek pas dit baie mooi op.  In ons huis het ons 'n skildery wat Naas gemaak het.  DIT IS MYNE!