Hoeveel lesers is aanlyn?

[PM]

As jy na die tuisblad gaan - home - en jy rol af tot onder dan sal jy sien hoeveel mense aanlyn is.  Op die oomblik is daar 40 gaste en ek en Naas. 

[Naas]

Welkom al die gaste... As julle aansluit en saam praat kan ons julle dalkies in die kroeg toelaat.

[PM]

Oeps!   ???   En wat dink jy gaan hulle van ons dink Naas? 

[Naas]

Dink jy vir een oomblik ek gee 'n verlepte boontjiepit om wat hulle van my dink? As niemand van my hou nie hoef hulle nie so baie broodjies by my begrafnis te bedien nie. So spaar ons geld.

[PM]

Grappie!  Oor die broodjies.  Hulle moet maar kom aanklop vir 'n spesiale vergunning.  Ons laat nie stywebolippies daar toe nie. 

[Anastasia]

Naas, ek is op 'n stadium in my lewe dat so min mense van my hou, ek gaan maar eerder veras word.  Daar is te min moontlike kisdraers!  En kyk hoe gee ek glad nie om nie!  Ha ha 

[Naas]

Hulle moet my as op die winkelsentrum se dak gooi dan weet ek te minste my familie kom kuier een keer n maand by my.

[Meraai vannie Baai]

Hahahahaha, ek soek 'n mandjie-prentjie 

[Naas]

My buurman se hond blaf nou weer vannag in my slaap. As ek Gatkantland toe trek sal dit wees om van die hond af weg te kom.
Ek besef deesdae dat ek op my lekkerste slaap wanneer ek bestuur. Dis hoekom ek niks slaap meer kry nie. in die nag blaf die hond vir die springbokspan en as ek bestuur moet ek wakker bly om die stukkies teer tussen die slaggate te vermy. Mens kan net nie wen nie.

[Meraai vannie Baai]

Hahahaha, nou-nou net gelees wat PM geskryf het oor die toestand van paaie en nou sien ek hoe dit jou wakker hou agter die stuur Naas. Hier by ons ry die ouens hulle eie paaie weerskante van die teerslangetjie uit. Tussen klein dorpies het ons 'deelpaaie'. Jy moet links hou en aankomende verkeer hou regs terwyl elkeen darem een voorwiel en een agterwiel op stukkie teer kan hou AS daar nie 'n monster van vooraf aankom en 'n paaltjie of twee jou in jou vierwielspore stop nie.





Soms is daar so ekstra hupstootjie nodig vir die uwe om die bult uit te kom lol.
Swaerie sleep die geleende asems en Sussa stoot van agter.

[Naas]

Ek is mal oor die "Outback Truckers" program hier op DSTV. Daar kan 'n mens nogal 'n idee kry van julle paaie en al die avonture wat daarmee saam gaan.

[Meraai vannie Baai]

Dan sou jy beslis die 'road trains' leer ken het. Die ouens het durf en moed wat skrik vir niks. So pas paar fotos gedeel by vorige plasing hoor.

[Naas]

As ek daai foto so kyk waar outop die asemtrollie trek dan verbeel ek my hy het ook 'n roadtrainlisensie

[Meraai vannie Baai]

Naas, daardie keer het swaerie die sleepwerk gedoen sonder 'n roadtrainlisensie  en kon Outop se arms rus.

[Naas]

Sien ou ek was vas aan die wakker, dis nie Outop nie. Outop was sekerlik agter die kamera.