Dis nag, dis stil

[adele]

Dis nag, dis stil
en met dagbreek
roep sy van ver, van daar
waar die wind omdraai
en 'n onthou uit haar lewe
oor die horisonkranse waai ...

haar skaam droom, nederig
lê nog veerlig in sy hande
maar sy oë traanblink
haar beeld rimpel op die water
want die aarde het gebewe
en die rots onder haar hart gekraak.

©adéle theron

[Meraai vannie Baai]

In eerbied kom sit ek hier langs jou lyne in nederige dankbaarheid dat jy jou talent om emosie te verwoord, met ons deel 

[adele]

Ai, Raaitjie, dis maar sommer net .... dankie, soms voel ek broos    
Ander se seer eggo nogals maklik in my hart vas.

[PM]

Traanmooi geskryf!