Kaal bolyf

[PM]

Oe dit is vir my lelik.  'n Man met 'n kaal bolyf.     As meneer nog mooi gebou is met 'n "six pack" en seksie spiere kan dit nog gaan, maar ai tog, daardie B-kop tieties wat oor sy boepie hang.  Nee man, dit is te erg.  Dit pas net by die swembad of die see, beslis nie langs die braaivleisvuur nie.

[Assie]

Haai ook Blommie! Gril die meisiekind nou see op die Richter skaal. Kom Piet Moerduik is so lief om so half aangetrek in Joubertina rond te loop. Dominie het al met hom daaroor gepraat maar wat would, hy luister nie.


 

[PM]

So 'n stoute ou man! 
Ek sien op Leeupoort dra die manne baie graag kortbroek.  Dit is baie warm daar ja, maar as 'n mens 'n funksie het kan jy seker 'n langbroek dra.  Daardie kort stukkie broek maak tog seker nie so 'n groot verskil nie, veral omdat die funksie in die aand is. 
Die kortbroek as sulks pla my nie, as hy gemaklik is daarmee dan is dit goed so.

[Meraai vannie Baai]

Eish! Ek stem saam; gril my kleintoontjie net so lank soos my groottoon vir 'n kaal bierpens kreatuur.