Moeg om met myself te gesels!

[Meraai vannie Baai]

Ouens ek raak moeg om met myself hier op die forum te gesels  Dankie vader vir besoekers wat nog lees anders het ek ernstige bedenkinge gehad oor ons kuierplekkie 

[Naas]

Se ek ook mos. Ek het lankal stilstuipe. Smaak my die ander het nou nuwe selfbeelde van maargeit nou wil hulle nie met ons diklitte praat nie.
Ek bestel sommer 'n Banting pizza met chips. 

[Fransi]

:-)

Ek het ook nie regtig op die oomblik iets om te sê nie.

[Meraai vannie Baai]

Klop klop, Naas hier is 'n persoonlike aflewering vir jou hoor. Die chips het ek oppad na jou toe self verorber  Sorrrry!



Fransi dankie vir jou stil-inloer   

[adele]

mmmmmm, vir daai pizza kom ek aangedraf ... 

[Meraai vannie Baai]

Ek't vir jou twee stukkies uitgehou Adele 

[Naas]

Ai toggie tog. Nou het ek weer op die sleutelbord gekwyl. Sien julle later, gaan net eers gou my skootbrakkie in die wasmasjien gooi.

[Meraai vannie Baai]

Ons het diekant 'n advertensie wat die dogter vir haar pa 'n tablet koop. Dan vra sy hom hoe vind hy die nuwe tablet? Sy staan met haar rug na hom toe... hy voor wasbak en kraan loop. Besig om die tablet af te spoel wat hy soos 'n broodplank gebruik het   

[Fransi]

 

[PM]

Ag hier is ek ook nou.  Daai pizza sal dalk nog 'n paar ouens lok.   

Daar sien ek ook nou hoeveel keer hier al gelees is.  Dit is seker maar hoe dit werk nê, daar is lesers en dan is daar skrywers.   

[Meraai vannie Baai]

Lesers en skrywers... kom loer ek vandag hier op my eie pos in oor die skouer van 'n naamlose gas  Vanaand is daar nie weer pizza op die Lock menu nie maar wel tuisgemaakte maalvleis en kapokaartappel pasteie. As jy gou oorkom is daar nog agt oor van die oorspronklike twaalf 

[PM]

Ek hoop nie ek is te laat nie!  Dit is my gunsteling kos. 
Dankie vir die deel matertjie. 
Ek is eintlik bly ek eet nie elke dag van julle tafel af nie, want ek sou so vet soos 'n vark gewees het, sou julle skoon uit die huis uitge-eet het. 

[Meraai vannie Baai]

Net betyds PM 

[Meraai vannie Baai]

En hier sit ek, gesels alweer met myself. Wat die buurtannie moet dink weet ek nie want skielik onthou ek dat Adele vertel het van Anton se 'ween hoekie' by die kampforum en giggel kliphard.  Ons weergawe is 'die foltergrot'.  Dalk moet ek 'n spieel bokant my tikker hang sodat as ek opkyk en alleen voel, iemand vir my loer.



Hopenlik met 'n glimlag wat my herinner dat dit nou pure nag by julle is en daar weer 'n paar woorde iewers gaan verskyn sodra die son ons groet en by julle kop uit steek. Ek los 'n mandjie met drukkies.... as jy hier verby kom, neem asseblief soveel as wat jy nodig het hoor!

[Naas]

Nee Ta Raatjie is nie alleen nie. Die verdomde sandman het my ook al weer oor den hoofd gesien en die buurman se hond jaag laasjaar se inbrekers al om die huis. Maar dis naweek en ek het niemand hier verwag nie. Nou kwart oor een hier by ons...
Snaaks is ek vaak en moeg maar slaap boer op ander plase.