Ses maande, halwe jaartjie maar
Is jy vandag
Meisiekind klein
Meisiekind fyn
Ses maande maar
En vandag word sy vrou
Onteensegbaar, onherroeplik
“vrou” vir onse manne
fors en fier en sterk
het die ses haar lyfie verwerk
is haar doek verruil
en sy bedek te word, ses maal oor
met penis vieslik, penis o so vuil
And the priest intones:
In nomine Patri
Et Filii et Spiritu Sanctu …..
Duimpie klein was jy
Stoffies fyn is jy nou
Ewig-rustend in jou skoendoos kis
Tik Tok Tik Tok Tik Tok
Klik grimmige gryper klok
Somtyds is die tiktok
Die helfte van ‘n jaar
Andermaal tik tok die klok sewe jaar
Miskien 9 jaar, strakkies net maar een
Onverbiddelik, onverpoos, oorsekuur
Knarsend krrr grimmige gryper ratwerk
Tiktoktiktoktiktok
Nog ‘n baba
Nog ‘n meisie in haar speelwees onskuld
Verkrag vermoor
Sommer weer verkrag
Net omdat ons kan
Want ons is jonk
Ons is sterk
Ons is MAN
En seks met einakleine maagd
Haal AIDS so reg uit ons bloed
In nomine Patri
Et Filii et Spiritu Sanctu
Drones the priest in prayer
Deur katedraal met sluise oop
Oor stormvloed van moedertraan
Vader, ook net man, verdwaas – verstom
Jare geleed had Jeanne d’Arc
Aan ‘n stapel hout gebind
Verteer te word deur vlam en kool
Caroline Claus-Ehlers
Se Blue Downs paradys
Word haar Danté se Inferno
Haar mooiste meisiewees
So kru en wreed gepenetreer
Om maar soos dryfhout na die tyd
In die vuur gesmyt
God has giveth
God has taketh away
Donder prediker stem
Stof is jy en tot stof sal jy …..
Verdof sy stem tot brabbel niks
Hoekom tog my Meisiekind
So onskuldig so rein
Hoekom net sy soos vloerlap gesmyt
Is die maalkolk van wonder
Deur smartvoos moeder se binne
Op die sesde skeppingsdag
Het God geskape
Man en mannin
Mannin is man se alleenwees salf
Medikasie so reg uit God se apothekerij
Maar deur die eeue heen
Had man God se gawe verguis
Van toeka tot nou
Was vrou maar net ‘n iets
‘n blote voorwerp
Om, na gelang van man se bui
gebruik, misbruik, verkoop, verkrag, vermoor te word
is vrou maar nog ‘n ornament
in man se prag en praal
en as die sell by date verval
weggesmyt te word
en as man dan
elke dag, nag
keer op keer
meisies vroue klein en groot
verguis verkrag vermoor
dan sal die man dan ook moet weet
God het geskape na sy beeld
‘n ieder en elk
meisies klein en fyn, vrouens moeders sag en teer
en al wat man is daarmee saam
dat telkemaal dat hy verkrag en moor
hy homself en God ook saam
verkrag en moor
tiktoktiktok
in memoriam femina
tiktoktiktok
vars die hopie grond
tiktoktiktok
galm donderslag, klief bliksemstraal boog
en plonsend vanuit hemel hoog
God se tranevloed van smart
