CUSTARD KOEKIES
(Lewer omtrent 5-6 dosyn koekies)
250 g botter of margarine
1 Koppie (250ml) suiker
1 Koppie (250ml) olie
1 Eier
2 Teelepels suurlemoengeursel
2 Teelepels bakpoeier
4 Koppies (500 g) koekmeelblom
3 Eetlepels custardpoeier
Vulsel:
120g Botter of margarine
2 Koppies (500ml) versiersuiker
5 Teelepels custardpoeier
1 Teelepel vanieljegeursel
Sit die oond aan teen 200º.
Voeg die botter, suiker, olie, eier en suurlemoengeursel by mekaar en klits tot dit romerig is.
Voeg nou die bakpoeier, meel en custardpoeier by die mengsel en vou saam in tot dit ‘n gladde deeg maak.
Rol deeg uit op ‘n oppervlak wat liggies met meel bestrooi is. Moenie die deeg te dik uitrol nie.
Druk nou vorms uit die deeg en plaas hulle op ‘n klaar botter gesmeerde bakplaat.
Bak koekies vir 8-10 min in ‘n voorverhitte oond van 200º.
Haal koekies dan uit en laat afkoel voor jy hulle uit die bakplaat haal.
Vulsel:
Voeg die botter en versiersuiker saam en meng tot dit romerig is. Voeg dan die res van die bestanddele by en meng alles goed saam.
Neem dan twee van die custard koekies en sit die vulsel in die middel.
