Bak eers die Basiese Botterkoek:
5 (300 g) eiers, eiergele van eierwit geskei
300 g sagte botter
300 g strooisuiker
300 g bruismeel
Smeer die koekpan met gesmelte botter en bestrooi dan met koekmeelbom. Skud oortollige meel uit pan.
Klits botter en twee derdes van die suiker (200 g) saam tot lig en romerig terwyl die eiergele by gevoeg word. Maak seker alles is goed saam gemeng.
Sif die meel drie keer en vou in botter en suikermengsel in. meng alles weer goed saam.
Klop die eierwit tot styf en voeg die orige suiker geleidelik by terwyl jy klop.
Meng eers ‘n bietjie van die eierwit in die mengsel goedn in voor jy dan versigte die res ook by voeg. Maak weer seker alle bestanddele is goed saam gemeng.
Sit mengsel in koekpan en bak vir omtrent 50-60min teen 180º of tot die toetspen skoon uitkom.
Dan…
4 Eetlepels (60 g) suiker
4 Eetlepels (60 g) brandewyn – [eie keuse of jy dit wil gebruik]
4 Eetlepels (60 g) strooisuiker
2 Koppies (500ml) sterk swart gemaakte koffie met geen suiker in
2 Koppies (500ml) room
1 Teelepel vanieljegeursel
Geroosterde en gevlokte amandels
Na jy die Basiese Botterkoek gebak het, laat koek in die pan bly om af te koel.
Meng die suiker en brandewyn saam met die warm koffie en roer to die suiker opgelos is.
Steek dan verskeie klein gaatjies in koek met ‘n skerp voorwerp (soos ‘n toetspen of breinaald).
Gooi die koffie mengsel oor die koek en laat alles dan afkoel in die koekpan.
Klop nou die room, versiersuiker en vanieljegeursel saam tot dit styf is.
Keer die afgekoelde koek dan in ‘n pan uit, bedek met die roommengsel en strooi die amandels bo-oor.
