Goeie dag

[Anastasia]

Ek weet nie of ek op die regte plek kom spoeg en plak nie, maar ek wil net vir julle kom hallo se, die wat ek dalk van ander lankal af geken het, en ook al die ander wat ek nie ken nie.  Ek beplan om lekker weer hier saam te kuier.

[Anastasia]

Ai, ek loop hier by se selwers alleen in die gange van die forum rond, nog niemand het my eens geantwoord nie.  Maar ek lees en lees en lees die vorige geselsies, en dan onthou ek so waarom ek die forum so gemis het. Ek voel soos 'n lankverlorene wat tuis gekom het.  Naas, jy het nog niks van jou snaaksheid verloor nie.  Hier en daar lees ek mense raak wat ek so goed geken het.  Ek sit met 'n tikkende toontjie en wag om met julle te kan babbel.  Intussen loop en wandel ek maar nog solank hier in die lee gange.

[Meraai vannie Baai]

BOE!  Moenie skiet nie, is net ek hoor. Lekker giggel ek nou vir jou Anastasie. Julle dwaal mos as ek slaap en visa versa. Elke dag wandel ek so deur die gange. Volg die besoekers soos 'n skaduwee en loer saam oor hulle skouers na die plasings.

[Anastasia]

Dis maar stil hier, raaitjie?  Is dit maar altyd so?  Dis jammer.

[Meraai vannie Baai]

Sniksnik. Jy merk reg op. Baie stil. Dosestilte soos PM altyd beduie het 

[Naas]

En so raas die verdomde stilte mos maar as mens wil he dit moet bietjie eggo. Ek loop deesdae sagvoet deur die gange om nie die slaappille wakker te raas nie. Ek dink as ons weer bietjie meer begin gesels sal die ander spokies dalk saggies en teer uit hulle doppies klim en saam gesels.
My probleem was mos nog maar altyd dat almal my vir 'n grap vat maar so tussen die trane deur lag ek maar saam met hulle... soms... soms nie... aag miskien altyd.

[Meraai vannie Baai]

Sal dit nie wonderlik wees as ons weer so kan saamkuier soos van ouds nie! Nou krap ek kop oor my leesteken, moet dit nie 'n vraagteken wees nie?  Naas of jy saam lag of huil, sakie makie. Dit lekker om gedagtes/grappies en en en... te deel. Soms maar goed eensaam diekant so ek verwelkom enige saamkuier tussen die forumlyne  Skud daai slaappille so paar keer op en af as jy weer ganglangs kom Naas!

[Anastasia]

Baie dinge het vir my verander, maar een ding wat konstant bly is my babbelbekkie.  Dalk, net dalk, kuier ons weer hond uit die bos hier.

[PM]

Ons soek mos babbelbekkies hier!  Die lesers en die skrywers?   
Ek hoop ook iets gebeur dat ons weer lekker kan saam kuier. 
As jy wil kan jy vir ons vertel wat het verander in jou lewe.

Ek wag vir 'n landlyn.  Hier in Leeupoort sukkel ons sleg met opvangs.  Vandag het ek opvangs vir die eerste keer in meer as 'n week, dit voel soos 'n maand.  Dit is eers sleg as 'n mens jou rekeninge oor die internet betaal.  Thaba is so 120 kilo's heen en weer. 

[Meraai vannie Baai]

Kan julle glo? 'n Gas is besig om NOU hierdie onderwerp te druk. Daar is lewe op die forum. JIPPIE

Guest   11:17:44 AM   Printing the topic "Goeie dag".

[Anastasia]

Waar en hoe lees 'n mens hierdie inligting?  Jy klink soos geheime agent 007 van die forum. 

[Meraai vannie Baai]

Heel onder op die lys is daar Forum Stats waar jy kan sien hoeveel posts daar is en wie is ons laaste nuwe gas, onder dit is Users Online, as jy daar kliek kan jy sien watter onderwerpe gelees of gedruk word. As jy aangeteken is dui dit jou naam aan andersins is dit net besoekende gaste wat meestal net lees en ampertjies nooit woordspoortjies vir ons los nie. Maar weens hulle besoeke kry ek kans om oral weer saam te lees wanneer ek tydjie steel vir die Forum.

Daar kan jy ook sien watter onderwerpe watter tye gelees is. Ek het die volgende 'gecopy' van die onderwerp nadat ek gekliek het.


Guest   10:41:09 PM   Viewing the topic 'n Hand en tand, hart en long bekgeveg teen PH (Pulmonale Hipertensie).
Guest   10:40:58 PM   Viewing the topic 'n Hand en tand, hart en long bekgeveg teen PH (Pulmonale Hipertensie).
Guest   10:40:45 PM   Viewing the topic 'n Hand en tand, hart en long bekgeveg teen PH (Pulmonale Hipertensie).
Guest   10:40:38 PM   Viewing the board index of Die Afrikaanse Forum.
Guest   10:40:30 PM   Viewing the topic 'n Hand en tand, hart en long bekgeveg teen PH (Pulmonale Hipertensie).

[Anastasia]

Baie dankie, Meraai.

[Meraai vannie Baai]

Plesier hoor. Ek geniet dit om daar te loer. Kon jy dit kry?

[Meraai vannie Baai]

Jy moet heel eerste op die Afrikaanse Forum kliek sodat die lys van verskillende afdelings verskyn. Ek het hierdie nou nou net beloer terwyl ons altwee aanlyn was.

User   Time    Action
Online Meraai vannie Baai   11:08:07 AM   Viewing Who's Online.
Guest   11:05:15 AM   Viewing the topic Als-in-een droomman.
Guest   11:04:24 AM   Viewing the topic Pollenys, Pollenys.
Guest   11:01:46 AM   Viewing the topic Die lekkerte van kleintydse onthou.
Guest   11:01:39 AM   Viewing the topic Gebakte eiers.
Guest   10:55:23 AM   Viewing the topic Die kappieteken ( ^ ).
Guest   10:55:10 AM   Viewing the board index of Die Afrikaanse Forum.
Online Anastasia   10:53:32 AM   Viewing the board Kom kuier saam.
Guest   10:53:23 AM   Viewing the topic Dadelblokkies vir die soettande.
Pages: [1]