Verlede naweek het ons gepres..soos ons dit noem. Sommige mense praat van pers.
Die kiekies het effe donker uitgekom maar vertel darem wat gebeur het.
Die doppe en wyn is nou klaar gegis na 6 dae.
Dit is maar klein skaal en als word nog met die hand gedoen hier in my se kelder wat eintlik die stoor is.
Ons het die doppe met die hand afgeskep en uitgedruk om meeste wyn uit te kry.
Dan word die nat doppe in die skadunet gegooi wat binne in die krat is wat oor die doppe hang.
!Dan word die sak opgewen om sap uit te druk
Daarna het ons die sak toegevou en in die krat gesit met 'n 3 mm plaat bo op en dan word daar op die plaat gestaan om nog sap uit te druk. Die krat het gleuwe aan die kante en onder en dit staan binne in 'n staal bak met pypie wat die wyn weglei in 'n kan.
Na dit is die doppe in die mandjie pres gegooi vir laaste sap uitdruk.
Peet het solank seker gemaak of die wyn reg smaak
Hier begin die kan en die mandjie pres vol raak
Tyd vir kan omruil. kyk net daai mooi rooi kleur
hier is die meeste doope uit geskep en ons suig die wyn uit die houer in die tenk.
Het probeer 'n filter maak met pvc pyp en skadunet rondom, dit het gewerk maar later verstop toe die moer te dik raak.
die pres is darm al 3/4 vol
Natan wou so graag die pres werk doen
Hy het dit opgepomp tot omtrent 350 na 400 bar druk en toe lyk die koek so wat 99% droog gedruk is
Van 350 kg druiwe is dit al wat oorgebly het, een kruiwa vol doppe
