Dit is baie goed om die kolon bietjie skoon te kry. Ek het dit nog nie self probeer nie, maar komende van my bron, is dit baie goed. Probeer dit gerus. Ek het wel met die jare uitgevind dat kitsdiëte glad nie werk nie. Wanneer diëte nie 'n lewenswyse kan wees nie, sal dit nooit werk nie. Dus is daar geen kitsresep nie. Dink so daaraan, wanneer jy heelwat kilos moet verloor, moes jy jouself tyd gun. Jy het dit nie in een dag opgetel nie, so dit is 'n stelselmatige proses. Probeer eers beter voedselkeuses maak in jou lewe bv vermy die kitskosse. Sny die suikertjies. Kry genoeg oefening. Drink genoeg water 3 liter daagliks. Moenie saans stysel eet nie. Probeer jou aandete vroeg eet bv voor agt uur in die aand. Moenie lekkernye in jou koskas aanhou nie. Ek sukkel self. Gedurende die dag is dit nie 'n probleem nie. Ek eet net dit wat ek werk toe neem, maar ai tog, wanneer ek by die huis kom middae is die versoeking maar groot. Ek het 'n redelike soet tand. Dus ek koop dit glad nie, behalwe as jy nou kleingoed het, sal dit dalk 'n ander storie wees. Die belangrikste van alles; hou een daggie uit, wanneer jy nie so hard op jouself is nie, dan kan jy maar `cheat' maar moenie alles dan oorboord gooi nie, eet tog binne perke en nie alles wat verkeerd is nie. Môre is jy weer terug in jou roetine. Eet gebalanseerd. Eet 'n paar klein maaltye daagliks, in plaas van 3 groot maaltye. Eet baie lig met aandete. Onthou jou sisteem raak gou gewoond aan klein hoeveelhede. Bly gesond, positief en soek die mooi in die klein dingetjies in die lewe. Alles draai tog maar om keuses.
