AL die kriekies kriek daar buite
Nie 'n springkaan in sig om te spring.
Mense, die kriekies speel viool vir 'n vale. Nou die dag een gehad wat vir my ge-serenade het... of so het ek gedink. Toe sien ek, nee, madam is ook hier onner die tafel. Dis toe dat ek so jaloers word dat ek sommer die madam met die kannetjie air freshner bykom. Sy het sommer dadelik gevrek. Die vloeksteen.
Toe soek ek vir daai violis en kry hom doer bo teen die gordyn se randjie agter die vou. Heerlik opgepof stryk hy die stokkie vir sy mistress, maar die is mos toe al oorle'. Ek spuit die kannetjie leeg, maar ta vrek nie. Ek spuit en hoes en proes, maar die outjie is later net stil en spierwit. Maar ta val nie. Moes hom afSKUD. Toe hy die grond tref, toe wil hy weer skarrel, maar ek kry 'n koerant in die hanne en slaat 'n slaat dat die binnegoed spat.
Nog nie weer een binne gewees. Skree nou net voor die vensters en deure. En op alle anner plekke.
