Begeesterdgeite en Aura's...

[Angelica]

As dit nie net tjoepstil is en ek begeesterd met die muse's se teenwoordigheid, kan ek om die dood nie iets neerpen.
Met Mamma wat nou so naby my rondbeweeg elke oomblik en so baie aandag nodig het (dit is my plig), vind ek geen, maar geen begeesterdgeid in die aura om my.
Ek onthou hoe ek snags kon opstaan om lang stukke te tik net om weer die volgende dag of week daaraan te skaaf.
Ander tye het die ding my beetgepak en ek kon daar en dan sit en iets het net uitgevloei.
Deesdae is dit 'n ander storie.  Ek staan nog op met 'n paar oulike woorde in 'n ry, maar om dit neer te skryf... nee wat.

[Louis]

ek dink my muse is deur n tsetsi vlieg gebyt en le en slaap iewers onner n bos

[PM]

Goeiste, en ek het gedink dit is net my muse wat die hasepad gekies het.  Wonder nou net hoe lank gaan dit neem voor hulle terug is?

[Meraai vannie Baai]

Dink julle nie ons moet weer 'n slag hande vat en muse vaspen in 'n kring nie? Ek 'bekring' deesdae alles en ons was hoeka so kosbare ou sirkeltjie van woordmaters vir baie jare mos.

[Naas]

Ons sukkel ook met muise. Maar ons muise wil om de dood nie weggaan nie. Hulle is die hele huis vol. Ek is al raadop.

[Meraai vannie Baai]

Ek het baie goeie raad. Jy haal net daardie 'i' uit muise dan het jy net weer jou muse Naas 

[Meraai vannie Baai]

Hierdie ene het my laat giggel:
Poësie is wanneer elke lyn met 'n hoofletter begin en nie by die regterkant van die bladsy uitkom nie.

[PM]

Ek stem saam met daardie handevat en kringe maak vir muses.  (Voel ek nou soos 'n heks, waar's my besem?)   

[Meraai vannie Baai]

Giggel ek alweer myself in 'n sinkplaat in  ek soek ook na my besem PM!

[PM]

Lees ek nou hier en is dankbaar dat ek weer kan lees.  Nadat ek my laaste plasing gdoen het, het ny data opgeraak.  Ek moes wag vir die nuwe maand om weer te kon deel wees van die samelewing.  Net toe die nuwe maand aanbreek, breek die duiwels in en steel ons toring se batterye.  So pas 'n halfuur gelede is dit weer vervang en herstel. 
'n Mens weet eers wat jy het as dit onderbreek word.  Dankie tog, ons is terug op die lug!   


Ek stem vir hande vat en die sirkel ook herstel.