Afrikaans om ons saam te snoer!

[quizagunter]

Nog 'n weiveld waarin ons ons knuppeldik kan versadig aan die wyshede en gedagtes van ander.  Graag wil ek GOD se seën toebid op hierdie forum sodat dit 'n vereniging en bond word waarop ons trots kan wees en bly.  Soveel blabsye/blaaie/webtuistes word gestig om iets moois voort te bring en dan kom daar ongewenste elemente en verjaag die wat dit as rein en edel beskou.  Ek hoop daar sal sensorskap van 'n hoë gehalte wees en dat die blad nie nog 'n bespotting vir die liefhebbers van Afrikaans word nie.  Sterkte met 'n baie moeilike taak!!

[Bestuur]

Baie dankie vir die mooi wense Quiza,  ons sal ons bes doen om 'n forum daar te stel wat spreek van goeie smaak en harmonie.  Met almal se samewerking glo ons dat dit moontlik is. 

[Naas]

Sela! Mag ons in liefde en trots rondom ons taal vergader.

[PM]

Julle maak my so opgewonde.  Nog 'n weiveld waarin ons ons knuppeldik kan versadig aan die wyshede en gedagtes van ander.  Quiza,  jy het dit uitstekend gestel.

Mag ons in liefde en trots rondom ons taal vergader.  Naas,  "met liefde en trots" klink vir my na "wondergom".  Dit moet net werk.   

[bloubefoeterd]

Afrikaans, taal van die verdrukker, taal van die bevryder. Taal van die bevryde. My taal. Soet op my tong. Sag op my oor. Taal wat my sus en my roer en my siel bly bekoor. My moeder se taal, my vader se taal, taal van my dink en my slaap my gister en more, taal van my mense my taalgennote

[PM]

Liewe land,  jy maak my skoon begeesterd Blouetjie.  Ek neem die vaandel op en marseer saam met jou deur die strate. 

Viva Afrikaans!

Dit is werklik my grootste begeerte.  Om Afrikaans uit te dra in al sy glorie.  Ons het werklik 'n pragtige taal,  maar die mooiste vir my is,  die pragtige mense wat ons taal op die hart dra. 

[Naas]

Oppas vir deur die strate marseer. Die polieste gooi skerp klippe!

[PM]

Nee,  ons sal nie raas en vure maak nie. 

[PM]

Mis ek nou vir ou Blouetjie.  Wens ek kon 'n werklike reunie hou met almal wat hier saam gekuier het.  Manne en meisies, ek mis julle! 

[Meraai vannie Baai]

Grote glorie, kom ek vandag eers hierop af. Duisende dankies PM dat jy vandag hierdie deur in 2021 weer oopgemaak het,  tien jaar later skyn die liefdesliggie vir Afrikaans tot binne in ons pandok vanoggend. 

[PM]

Dit was toe ons net begin het.  Ek was nog "bestuur".  Ha-ha.  Waar is ou Quiza tog in die wêreld. 

[Meraai vannie Baai]

Hy is doenig op "God se Plot" soos hy dit noem en loer gereeld in ter ondersteuning by die gevreetboekie. Nog presies dieselfde dierbare mens!

[PM]

Ja, ou liewe quiza. 'n Ware kind van die Here.