Ons is Sondagoggend weg uit Hentiesbaai.
Ons ry gou by Wlotzkasbaken in om te kyk hoe lyk die plek.
Al die huise is helder kleure geverf.
Almal moet self sorg vir eie water, daarom die water tenke by die huise.
Toe ontmoet ons my neef se seun by Swakop lughawe en ek en Piet gaan saam met hom op 'n rit oor die woestyn.
Verskoon dat die fotos vaal is, dit was 'n vaal dag van baie stof in die lug en die vliegtuig se ruite maak ook dat die foto nie so helder is nie.
Ek moes heelwat torring aan die fotos op photoscape om kleur uit hulle te kry.
Eers vlieg ons langs die duine af en hier is duin 7 uit die lug.
Rooikop lughawe. Ek sien die aanloopbaan is langer gemaak as wat ons hom herbou het in 1978. Ons het net gebou tot so lank as wat die taxiway is weerskante, en nou is daar 'n stuk aangelas vir die groter vliegtuie.
Van Rooikop af het ons Gobabeb toe gevlieg. Dit is 'n navorsings plek in die woestyn teen die kuiseb rivier. Blykbaar het Nasa daar proewe gedoen met die robot karretjie wat mars toe is.
Ons het min of meer al oor die kuiseb gevlieg. Regs was duine
Hier kan jy sien die sandwoestyn, rivier en dan klip woestyn.
Dit is van die woonplekke van die Topnaars.
Weer klip en rivier en sand
Hier is Gobabeb
Ons het gemsbokke en zebras uit die lug gesien, maar te klein om af te neem.
Kuiseb canyon daar onder
Ons draai toe weer see se kant toe. Daar in die verte is Tsondab pan.
En dis net duine en duine
Weer die Tsondab pan in die verte
Duine maak allerhande patrone
En groot diep sand gate wat jou laat wonder hoe kom jy daar uit as jy daar binne is.
Hou jou hande op die stuur
Selfs 'n duin gesien wat die liefde uitstraal met sy hartjie
word vervolg
