Jammer as dit dalk eentoning gaan raak om na fotos van duine te kyk. die woestyn duine met niks plantegroei is vir my vreeslik mooi en ek het seker 1000 kiekies daarvan geneem. sal darem nie vir julle straf om al daai duine fotos te wys nie. die wonderlike van die duine is dat soos die son skuif , soos die skaduwee skuif, verander dit wat jy sien van die duin. Dan verander die duine ook as die wind waai.
In elk geval ons het Woensdag middag al seker gemaak dat die bakkie se 250 liter petrol onder die pens so vol as kan is en ook nog 1 20 liter jerrykan vol petrol. Die afstand is tussen 650 en 700 km wat ons moet ry en ek weet nie hoe swaar gaan die bakkie op petrol wees nie. Ek het gereken 270 liter sal seker genoeg wees. Armand wat die toer lei het gesê die Land Cruiser waarmee hy ry gebruik 300 liter op daardie roete.
Ons het ook 100 liter water aan boord gehad. Dan ook ons drinkgoedjies en paar versnaperings en kamp toerusting. dit was maar 'n swaar vrag maar ons sien vir baie kans. Dalk dom of braaf? ons weet nou nog nie.
Laaste maak seker dat als vas is.
Aan die begin is mens maar skaam vir al die vreemde mense wat saam op toer gaan.
Na ons van die teerpad af is het ons gestop om wiele effe papper te maak en toe ry ons die eerste deel deur plase waar met beeste geboer word.
ek sal so hier en daar voertuig fotos wys ook dat dit darem nie net duine is nie.
Armand, die toer leier se Cruiser.
Daar was mense wat in Zambië woon ook saam op die toer. Hugo het kort tevore die Toyota Tundra met sy 5,7 V8 gekoop. Hy sê hy weet glad nie hoe die bakkie hom in die duine sal gedra nie. Sjoe daai 8 prop klink mooi as hy so teen 'n duin uitbrul.
Die bakkie is later worshond gedoop want sy pens het baie keer gesleep oor die duine.
Die woestyn is darem 1 plek waar mens soms skoon blou lug kry.
Die woestyn is darem nie net een dooie stuk aarde met net lewelose duine nie.
Daar is heelwat plantegroei as mens dink hoe laag die reënval is is dit 'n wonderwerk hoe spesies aangepas het.
ons het heelwat feetjiesirkels gekry en daar is nou nog nie 100% eenstemmingheid wat die oorsaak daarvan is nie. Sommige reken dis termiete, ander sê dis aardgas en ander sê dis die giftige renosterbos wat daar gegroei het en die grond vergiftig het.
'n 10 karre konfooi.
nog 'n woestynpad met min draaie en baie hobbels, skud jou uitmekaar op daai pad, maar gelukkig gaan dit ook verby.
So het ons al nader aan die duine gekruip
Due Hilux se vrag het later maar skeef gehang maar gelukkig het die bande en net bo-oor gehou en ons het nie vrag verloor nie.
Ons het heelwat gestop om fotos te neem
Duine met bome op is ook mooi
so kom ons al nader aan die duine
Totdat ons rerig moet begin kophou in die sand met die 4x4 ryery. Werner se Cruiser ken ook nie die einde van sy krag nie.
die foto is geneem aan die bo kant van die Koichabpan waaruit Ludritz water kry. Dit is sowat 65 km noord oos van Ludritz.
Al voertuig wat nie 'n Toyota was nie is die Delica.
Weer 'n foto van die pan. Dit is fossielwater wat daar uit gepomp word.
Dis vir my baie moeilik om 'n duin verby te ry en dit nie af te neem nie.
en soms 10 fotos van dieselfde duin te neem, sal darem nei al 10 van 1 duin wys nie.
