Bittergal

[PM]

Bittergal 

Ek sien die lig agter my in die tonnel
gooi gru skadus teen die mure.
Bedolwe onder die puin van emosie
kyk ek beneweld na my hande:
stomp afgekap.

Ek hoor hoe skimme uit die verlede
waarskuwings vir die toekoms roep.
Paniek en angs verdring my rede;
vorentoe lê verskuil
in diepe duisternis.

Ek voel die trane brand
van magteloosgebonde.
Vrees gryp my in sy kake
en verdrink my vrede,

want

Hardkoppig klou hardnekkig
om jou te verwoes,
rebellie so pynlik – weergalm -
om almal mee te beproef.

Ek vra wanhopig wat die toekoms is
van 'n ongebore kind - onskuldig,
as die phatos van jou verlede,
geen lig werp, op sy pad?

Kon jy maar net "ek haat dit"
met "ek lief dit" vervang,
om jouself van die bitter kelk
van miseré te red; sou die torsie
van ligstrale - vertel van mooi verhale.

Ek besef die omvang van sake
en binne my swymel, die wye see ...

Die gal stoot wrang in my op.

Luister hoe oer-ou-skimme
waarsku teen die toekoms ...
vorentoe lê verskuil
in diepe duisternis.

Paniek en angs verdring my rede ...

[PM]

260 keer gelees, geen kommentaar? 

[Meraai vannie Baai]

Ek laat my kop in skaamte sak. Hierdie ene NOOOOOIT gesien of raakgelees nie. Dit is seerseermooi PM.

[PM]

Dankie Raaitjie.  Wys jou maar net weer, ons dink altyd hier is niemand nie, maar hier is 'n hele paar ouens wat lees en verbygaan. 

[Meraai vannie Baai]

Is so! Het jy ook al ondervind dat jy druk op die skakel om te wys watter pos nog nie gelees is nie, dan sien jy 'n hele ry maar as jy weer wil kyk, dan wys daar niks nie?

[PM]

Ja, maar as jy dan op die skakel net onder dit druk, dan kry jy dit weer. 

[Aspoestertjie]

Ek verbeel my Langenhoven het ook 'n Broloks en Bittergal storie of gediggie geskryf. Ek sal moet gaan Google.

[PM]

Oeps, dit klink net soos Skoonlief wat in die grot lê en kyk wat Broloks bak en brou.   

[Aspoestertjie]

Brolloks en Bittergal
wonderstories vir die kindertjies
2de uitg.
C. J. Langenhoven ; met illustrasies deur Cora Coetzee.
Published 1977 by Tafelberg-uitgewers in Kaapstad .
Written in Afrikaans.
Table of Contents
Kapokkie.   
Die eensame huisie.   
Die houtboskinders.   
Bertie van die Groot Karoo.

[PM]

Se voet!  Vir klein kindertjies?  Dit gee my nagmerries!  Brolloks vermoor Skoonlief se ouers dan ontvoer hy haar na 'n grot tot sy goot genoeg is om vir hom te werk...   Eish!