Soms so helder soos daglig gedurende 'n stormagtige nag

[Meraai vannie Baai]

Die fotos het Outoppie sekondes uitmekaar geneem. Die storm het ons vir amper 12 ure sonder kragtoevoer gehad en amper katastrofiese gevolge 

[PM]

Uitstekende foto's.  Dit is nie maklik om weerlig af te neem nie.
Die kontras wat 'n weerligstraal veroorsaak is asemrowend. 

[Meraai vannie Baai]

Voorwaar is dit altyd 'n groot uitdaging om dit te probeer vasvang PM. Nogals 'n 'scary' ervaring ook. Kleinkind en Outop hulle verkneukel in my gille en om die huis te haal in rekord spoed. Het onder die afdak gestaan en wag met my kamera maar daardie knalle was een genoeg 

[Fransi]

 

Ek en my kat soek ook dikwels holtes op as die slae so hard klink. Ek in die bed, onder die duvet en sy onder 'n stoel. 

Dit is ontsagwekkend en asemrowend.

[Meraai vannie Baai]

Giggel ek vir jou en kat Fransi  Bly julle het ook geniet 

[PM]

   Ek kruip sommer onder die bed weg.  As die weerlig so slaan dan kry ek hartkloppings!
Ons het 'n Staffie gehad.  Sy was verskriklik bang vir swaarweer en klappers.  Sy sou sommer op my skoot kom spring en haar kop onder my arm indruk.  Ek glo nie sy het geweet dat sy eintlik vir my 'n groter troos was as ek vir haar nie.   

[Fransi]

Dit is so waar, 'n dierelyfie teen jou laat jou eie hartkloppings effens bedaar. :-)

  ek sê gewoonlik vir myself dat jy eintlik vir die lig moet skrik en nie vir die klank nie, maar my lyf luister nie. 

[Meraai vannie Baai]

  Hulle beweer dat om 'n dier te streel jou bloeddruk laat daal. Lyk my mos dit werk vir weerligstres ook  My lyf wil ook nie luister nie julle, as ek my kom kry is ek klaar op 'n ander plek.