Sagter, asseblief!!!

[Angelica]

Watter geraas, indien enige, laat jou rond trippel van frustrasie?
Ek het 'n paar vyande gemaak omdat ek nie 'n geraas kan uithou. 
Ek kan na Bond, James Bond vir twee en 'n half ure lank kyk sonder om ge-irriteerd te raak.  Maar ek kan om die dood nie die geraas van my buurmannetjie se rubbish musiek luister nie.  Ook nie die plastiek skopfietsies van die klomp kleintjies op die boonste vloer se gange nie.
Wat is dit wat ons laat besluit watter geraas is ok en watter nie?
Eintlik verkies ek ordentlike 'geraas'... soos knarsende golwe op rotse, die gebrul van 'n uitgevrete leeu mannetjie, die enjin van 'n helikopter hier vlak by my wat binnekort gaan opstyg...
Maar my buurmannetjie se rubbish musiek en drankbottels wat bymekaar gemaak word in die oggend kan ek nie hanteer nie.
Nou wat is dit dan met my?

[Naas]

Honde, veral die klein wittetjies wat ooooooo soooooo pragtig is as hulle klein is. Hier by ons in die buurt teel die goeterjies soos Sowetokinnertjies aan.
Kyk die goetjies kan mos net drie goed doen. Vreet, teel en senuweeagtig blaf. Nou word die arme goed nog in sportmodelle verander dan kan hulle net vreet en blaf. En ritmies. Glo my, ons buurt s'n is ritmies.
Kef... kef kef fir.          Kef... kef kef fir.           Kef... kef kef fir.     die   Kef... kef kef fir.  hele    Kef... kef kef fir. verdom  Kef... kef kef fir.   de Kef... kef kef fir.    naKef... kef kef fir.g       Kef... kef kef fir.deur.
En as hulle eers begin, val die groot honde in met:  Wa...   Wa...   Wa...
O ja, en dan natuurlik my Buurvrou se kerrieoukie. Sy sing mooi... Tot die wingerdsap begin oorneem en glo my "verginia" en "oom Tas" weet boggerol van sing nie.
Nee wat Engeltjie, gee my ook maar die stilte van 'n vuur wat knetter en 'n brander wat die rotse aanval, dan raak ek ook rustig.
NS. Daai's nie rubbish musiek waarna jou buurman luister nie. Dis net 'n geraas wat hom wakker hou sodat hy langer kan drink.

[Fransi]

Die geraas van 'n mall (winkelsentrum), masjiene, sirenes en as 'n buurman se hond vir jou blaf wanneer jy in jou eie erf rondloop. Ek dink die meeste hiervan is omdat dit die tipe geluide is wat jou hart in jou keel laat klop.

[Angelica]

Moet ook net noem, dit hang van my mood af wat ek kan hanteer en wat nie.
Soos ek vandag voel, gaan ek niks kan handle nie.  Ek sou veel eerder in 'n B&B somewhere op die seefront wou wees. 

[AB]

Ek verkies stilte om my.
Daar is klanke wat my baie irriteer.
Toe ek tiener was en so in die vroeë 20 moes ek ook heltyd musiek om my hê. Dis nou musiek soos abba, queen, be egees, neil dimond, pussycat ens.
Deesdae het ek baie musiek op my selfoon, nogal van daai musiek, en kan enige tyd luister daarna, maar ek sit dit nooit aan nie.
Hierrie boobbox musiek wat mens so uit karre en taxis hoof irriteer my vreeslik.
as ek in ,n werkswinkel is en iemand kap met 'n hammer op 'n stuk yster dan irriteer dit vreeslik maar as ek self kap dan pla dit niks.

ja daai skop fietse is ook erg.

see en waterval klink mooi.

i V 8 enjin met 'n diep grom, diesel of petrol klink mooi maar nie die skril geskree van klein enjins wat klomp perde uitskop nie.

trein, stoom of diesel, se klank is ook mooi, en die tik tik wat die wiele op spore maak ook.

wind wat waai klink mooi maar as die wind 'n deur oop en toe klap of 'n lap of iets waai kan dit irriterend raak.

die geluid ( geraas) van baie mense wat in 'n gebou ( vrywillig) vasgekeer is met iets soos 'n skemerkelkie of partytie waar meer as 8 mense is....daai gedruis irriteer my en ek kan nei eers hoor wat ander mense vir my probeer vertel nie ( half doof die kant)

'n radio wat sleg op stasie is en so suis.....dit irriteer erg.

sommige mense se stemme is ook irritereind ( dlak is my stem vir ander ook irriterind0 ek dink nou maar aan jay naaaido.....sy stem was/is maar nie lekker op my oor nie, oj en dan Allan Boesak ook. sorry as ek dalk nou beledigend is, hulle kan nei help ( soos ek ) dat hulle stemme so klink nie.

keffer honde ja en selfs groot honne eintlik enige honde wat nie weet om na 5 blaffe hulle bek te hou is ook erg irreternd.

'n dronk mens wat skel....erg baie erg, veral as dit 'n vrou is.


sommige mense wat sing, veral die wat so hoog sing dat jy nieeers kan hoor of verstaan of uitmaak wat hulel sing nie, nee dankie nie vir my nie.

ja so sal elkeen klanke in die lewe hê wat sleg klink of wat mooi klink, en issie te sê dat wat jy van hou gaan ek van hou en vice verca.

[Meraai vannie Baai]

Hele bekvol hier geskryf oor geliefde/non geliefde klanke.  

Ek weet soms maak stilte my benoud. Hang af waar en wanneer. In die bos terwyl ons kamp is dit hemels. As ek snags wakker word en dit is stil EN donker voel dit my ek is alleen; vergete op die hele wye aarde dan sou selfs 'n koliekprinsie se gehuil welkom wees. Kleintyd het die wind wat huil deur die kleimsgate en om die hoeke van ons sinhuisie waar die Bloekombome wag gehou het, vir my die rustigste geluid op die delwerye gewees. Dan het die kleurvolle klippies vir my 'n sprokie vertel van ver ver lande oor die see waar daar ook Bloekoms is en geliefde maters se geluidlose stemme wat kan gesels op skerms...

[PM]

Ek hou van stilte.  Punt.

Op die GPF-radio (ons buurtwag radio's) het hulle vanoggend vertel van 'n ou ook wat laasnag kinders gaan stilmaak het omdat hulle so lawaai.  Hulle het hom aangerand en bewusteloos geslaan.  Hy is in intensief in 'n koma.  Die saak wat aanhangig gemaak is, is poging tot moord.  Mense, ek is bly ek is nie daai ouer nie. 

[Meraai vannie Baai]

Vader toggie ekke stem saam!! Wil nie in daardie ouers se skoene staan nie 

[AB]

ek stem saam PM daars min dinge wat so mooi klink soos stilte.

hier waar ons nou woon is dit baie stiller as by ons eie huis oorlat ons huis 7 meter van 'n redelike besige pad sit en ons werkers huise is baie naby ( seker 100 meter) van ons huis af.

ja dis stiller by ons as in die dorp maar so met die jare dink mens idt moet maar so wees. daar ry baie groot vragmotors by ons verby wat wyn wegry van 2 groot kelders en 4 landgoed kelders verder teen die pad op en dan is daar ook nog die grondverskuiwings besigheid wat se voertuie heen en weer ry by ons en dan ook goudini spa se verkeer van vakansie mense en konferensie mense.

nou eers wat ons hier op klipdrift bly weg van die pad af besef ons hoe lawaaierig dit by die huis is. sal weer daaraan moet gewoond raak.

seker maar soos mens ouer raak soek jy die stilte, of is dit soos jy dower raak dat jy stilte soek?

[PM]

Die lawaai by ons vorige huis was ook 'n groot rede vir ons groot trek.  Hier in Annlin is die huis in die laaste straat teen die berg en dus baie rustiger. 
Ons nuwe bure het honde wat soos maer varke te kere gaan.  Hoekom mense meer as twee groot honde buite aanhou sal ek graag wil weet.  Iemand het vir my die raad gegee om hulle geblaf op te neem en dan die eienaar te skakel en dit vir hom terug te speel.  Ai tog, hy kan sy selfoon afskakel, maar ek moet maar met die lawaai saamleef. 

[AB]

ja heng daai geblaf van honde en die eienaar wat doof is kan ek nie verstaan nie. hoe is dit dat die eienaar nei kan hoor hoe sy honde aangaan nie maar die bure kan nie slaap nie.

gooi klappers daar oor die grens na die honde as hule so blaf, dlak skrik hulle so dat hulle blaf ophou?

[Angelica]

Hier trek, sonder ophou, mense in en uit die woonstelle. 
Dit is stilles, raasgatte, suiplappe en die wat regtig nie omgee of dit dreun of suis nie.
My nuwe buurmannetjie is die 10am bierdrinker-soort wat dan sy musiek (satanies, soos sy girlfriend dit self noem) vir die hele buurt speel. 
Ek het al 'n paar keer gaan vra dat hy dit asb moet cool, ook om sy swart vullissak, wat hy buite die deur sit, moet of inneem in sy woonstel of gaan weggooi.  Dit mag nie daar neergesit en 'vergeet' word nie.
Wel, hulle het my al kom aanval en baie lelik sleggese. 
Ek moes dit rapporteer.  Nou brul hy sy motorfiets enige sekond van die dag of nag voor my slaapkamer-venster.  Dit is ongelukkig waar sy parkeerplek is.
Reels, opgestel deur die Trustees, word net eenvoudig gebreek.  Geen konsiderasie vir die ander bewoners. 
Geen orde van geen aard. 
Moet ek trek?  Ongelukkig laat my finansies deesdae niks toe nie.
Pluisies?  Oogklappe?
Moet ons dan maar wegkyk as dinge hand uitruk en verval?

[Meraai vannie Baai]

Dit moet nagmerrie wees Angelica! Ekke het nie raad nie. Net drukkie vir jou ((((((((Engeltjie))))))))

[PM]

Daar is nie raad vir slegte maniere nie.  Vlak is vlak is vlak en dit bly vlak.  Bel die polisie vir hom, dalk kry hulle hom stil.  Dalk is ignoreer die antwoord.  Sulke mense word nooit volwasse nie. 
Hou maar jou oog op verblyf.  Dalk is jy gelukkig en vind iets beter wat ook bekostigbaar is. 

[AB]

ek dink dit moet i nagmerrie wees om in amper enige dorp op amper enige plek te woon as mens so hoor van geraas en lawaai. dan besef ek weereens hoe geseën ons is om op die plaas te woon.