Ek en jy (op versoek van Gawie vir haar geplaas)

[Meraai vannie Baai]

Ek en jy

Ek en jy is nie 'n Rembrandt prent
of dalk 'n maanlig simfonie,
tog is jy  my meesterstuk
my Dawidsbeeld, my lief.

Ek en jy loop nie in Levi jeans,
nog minder dure pels of sy,
tog vou jou arms knus om my,
soos ouma se laslappieduvet.

Ek en jy is nie vreemde woorde nie
ook nie franse cabernet
tog lees ek liefde in jou oë, my lief
hoor my naam in elke asemteug.

Ek en jy bly nie in prag en praal
eet brood en wyn, 'n kersligmaal,
tog is jou lippe  Franse kaviaar
en jou hartklop my Aïda mars.

[Fransi]

Pragtig geskryf.

[PM]

Dankie julle twiekies vir die plaas hiervan.  Ek het vanoggend tret met tyd verloor en moes toe net gryp en hol. 
Dit is soooo mooi geskryf Gawie, dit gaan reguit boek toe. 

[Gawelina]

PM ek vergeet ook van tyd as ons stomklets. Dankie vir die plaas Raai en vir almal wat kom lees.

[Meraai vannie Baai]

My plesier gewees om hierdie gunsteling te kom plaas matertjie! 

[Ah Willa]

dis verby mooi gawie en ek lief jou afsluiting ... en jou hartklop my Aïda mars.  ek hoor die mars op jou ritme :-)