Ek het ook die gewoonte om iets te skryf wat nie vir ander sin maak nie. In my kop het ek 'n mooi prentjie van waaroor ek skryf, maar die leser sien nie die prentjie nie. Dit is nou vir my om daardie prentjie so te beskryf, dat die leser presies kan sien wat ek sien.
My eerste waarneming van jou gedig was: normale mense spoeg nie vuur net omdat hulle kan nie.
Hulle spoeg vuur omdat hulle self gekwets is, of kwaad is, of hoekom?
Toe steek ek vas by: vuur brand seer woorde?
As ek dit so lees, dan klink dit vir my of die vuur die seer woorde wegbrand.
Wil jy nie dalk sê dat die woorde soos vuur brand nie? "spoeg jy vuur, brand woorde seer...
As jy dan nou die vraag vra: hoekom spoeg jy, kan die leser tot 'n paar gevolgtrekkins kom:
1) Hy spoeg omdat hy kwaad is
2) Hy spoeg omdat hy doelbewus wil kwets (omdat hy kan)
3) Hy spoeg omdat hy seergemaak is ens.
As jy nie die oorbruggende-herhaalde-titel wil gebruik nie, kan jy dalk hierna kyk:
woorde
brand
seer
jy
spoeg
vuur
net
omdat
jy
kan
Dalk kan jy ook die titel verander deur te sê:
jy kan
seer
woorde
spoeg
wat
brand
soos
vuur
net
omdat
jy kan
Die feit bly staan, dit is 'n goeie gedig, jy moet nou net presies kom sê hoe lyk die prentjie in jou kop.
