Steenbokkie

[Naas]

Daar waar pers papawers
pragtige poue pamperlang,
deur tergende tulpe trippel sy.
Na waar roeserige rooi rosies wink
dwaal die brose steenbokkie.
Soos twee tingerige takkies
staan die skerp horinkies astrant
bo die bonkige bokkoppie op.
Tussen grasgroen geil grassies
staan die statige steenbokkie.
Loer sy skugtertjies vir my.
©

[Trapsoetjie]

Dit laat my dink aan die keer toe ons na 'n plaas gaan kyk het en die bokkies skrik vir ons en hol amper teen my vas..pragtig Naas.

[Angelica]

Pragtig. Klink fyn en broos.