Jy Dans met My..

[Angelica]

gemaklik glip ek in jou arms
    so asof ek daar hoort
jy dans met my
op maat van lank lank t'rug
ek sê, 'jy dans met my'
jy sê, 'dis nie heeltemal 'n dans'
maar ons lywe kurwe saam
saam met die vloei van klank
daar's 'n hipnose in jou blik,
'n trekking om jou mond wat
ons dans beheer     maar nooit
nooit voel ek soos jou toutjiespop
jou oë peusel aan my borste
ek voel die welwing van jou spiere
jou hande warm op my laerug
'jy dans met my', fluister ek

en vir 'n wyle, word twee siele een
in dié kortstondige nabyheid

++++

[Naas]

Ek is in vervoering met die ritmiese gebruik van woorde. Skitterend!

[PM]

Hou hierdie spasie dop,  hier kom nog groot dinge!