Dankie vir jou sinvolle inset Fransi.
Ek glo daar moet 'n puntestelsel wees waarvolgens enige werk be-oordeel word. Op so 'n basis kan daar 'n reverdige uitkoms wees. Tog glo ek dat as ek in daardie situasie sou wees en moes kies tussen die beste gedigte met dieselfde punte, sou ek dit wat vir my die mooiste is kies. Dit is net my eerlike opinie.
Nog 'n ding, wanneer ek 'n digkompetisie reël, sal elke gedig 'n nommer kry, sodat niemand mag weet wie die gedig ingestuur het nie. Wat dink julle daarvan?
"Dieper" filosofiese gedigte? Die laaste week het ons nogal baie besprekings met digters gehad wat sê dat hulle nie die gedigte verstaan nie. Ons het toe tot die slotsom gekom, as jou gedig nie 'n duidelike boodskap oordra nie, al is dit nie presies wat jy as skrywer in gedagte gehad het nie, dan is dit nie 'n geslaagde gedig nie. Sodra 'n leser by die gedig vassteek en vra: Wat probeer die skrywer nou eintlik sê, en nie een van ons ken die antwoord nie, is dit geslaagd?
Ek dink ook dat daar skrywers is wat nie genoeg aandag aan die titel van die gedig gee nie, want is dit tog nie maar wat vir jou moet sê waaroor die gedig gaan nie? Kom ons kyk na my gedig "Insig". As ek dit "Die blinde man" genoem het sou dit 'n heel anderse betekenis hê?
