Skilder - Pieter van der Westhuizen..

[Angelica]

As ek kon, het ek my geld hierop bele :

http://www.google.co.za/search?q=pieter+van+der+westhuizen&hl=en&prmd=imvns&tbm=isch&tbo=u&source=univ&sa=X&ei=48PTTovHG8ixhAfI4LSxDg&sqi=2&ved=0CEAQsAQ&biw=1366&bih=551

[Fransi]

 

Ja, hy is 'n baie bekende en gewilde kunstenaar, maar pas beslis nie my sak nie. :-)

[PM]

Fransi, het jy nie 'n webtuiste waar jou werk uitgestal is nie?

[Fransi]

 

Ongelukkig nie. Ek het 'n paar wat in die huis hang soos die houtskool en potlood, maar meeste van dit is gewoonlik vir iemand spesifiek en ek onthou nie altyd om 'n foto te neem nie. (Ek onthou nie eers altyd om my werk te teken nie) Ek het wel van my gedigte, foto's en prentjies by Redbubble. My naam daar is Vanitastic- Vanitas was ongelukkig klaar gevat. :-)

[PM]

Ek sal 'n bietjie gaan soek.  Hier reën dit heerlik.  Wag net dat dit 'n bietjie bedaar dan gaan ek gou drukkers toe.  Het 'n oproep ontvang, oom drukker wil my sien.  Weet nie wat is nou weer fout nie. 

[Fransi]

Heerlik! Hier by ons is daar nou waterbeperkings so die tuin kry bietjie swaar.
Sterkte by die drukkery, hopelik is dit sommer ietsie kleins of miskien selfs positief.

[PM]

Hoop tog so Fransi, ek kan doen met 'n bietjie positief.   

[Angelica]

Yip, sy skilderye se pryse is hoog, maar as jy sien wat kos voorraad en doeke en en en.. dan is dit te verstane.
Ek print klein skilderytjies van die web af en wil dit nog raam.  Klein klein afdrukkies om 'n muur eendag vol te hang.  'n Droom.
Om skilderye te koop is 'n belegging.
Kyk waarvoor gaan skilderye van die ou meesters.
Mal oor die ou goed.
Sal so bietjie vir julle daaroor skryf.

[PM]

Mooi was nog nooit lelik nie. 
Ek het een van Naas se skilderye wat hy vir my gegee het laas toe ons in die Kaap was.  Eendag kom iemand kuier en sê:  "Dit is mos Naas se skildery". 
Gawie het vir my 'n oorspronklike ullistrasie gegee van Plaasbabas en Karin se dogtertjie het vir my twee tekeninge gegee wat sy gemaak het.  Alles is vir my kosbaar!  Dit is 'n stukkie "menswees" wat ek elke dag teen my hart hou. 

[Fransi]

Ek glo ook dat skilderye 'n belegging is en dat as jy so baie van iets hou om elke dag daarna te wil kyk, moet jy bereid wees om wel jou sak te skud. Ek het 'n vriendin in Lichtenburg- sy is onlangs geborg deur die groep (kan nou nie hulle naam onthou nie, maar 'n mens sluit by hulle aan d.m.v. 'n kunsvereniging) om in Frankryk(Parys) te gaan koekeloer en te gaan uitstal. Vir haar of Carder in Amerika se werke sal ek jare spaar om net een te kan hê. Ek sal egter nooit genoeg kan spaar vir van Carder se werke nie, want syne gaan partykeer selfs vir 100 000$

As jy van klein skilderytjies hou: Ons kunsvereniging stal Maart maand uit met 'n miniatuur kunsuitstalling. Dit is ongeveer enige iets vanaf poskaart-grootte en kleiner.

Ek self hou veral van Botticelli, Rembrandt en Manet se werke. :-) O, en Chagall, daar is regtig geen ander skilder na hom wat al ooit weer dit kon regkry om soveel verskillende style in een skildery saam te sit en dat dit nog steeds as eenheid "lees" nie.

Ek sal beslis lees wanneer jy oor die ou Meesters skryf. :-)

[PM]

Ek wag ook in spanning vir Ellé se skryf oor die groot meesters. 

In standerd ses het ek besluit om kuns te neem.  Ons moes 'n neus uit klei maak.  Myne was so goed dat die kunsonderwyser my gevra het om asseblief 'n ander vak te neem, want, het hy gesê, ek sal 'n verleentheid wees vir die kunswêreld.   

Later jare het ek darem nie te vrot gevaar met houtsnywerk nie, maar toe raak ek allergies vir die houtstof.  Dit wys jou maar net, skoenmaker, hou jou by jou leus.     So, ek bewonder net die kunstenaars wat so goed is.

Wie van julle het kunsklasse geneem en het dit gehelp?  Is dit nie 'n talent waarmee 'n mens gebore word nie?

[Fransi]

 

  ek glo dit was 'n besonderse neus. 

Ek het toe ek vroeg laerskool was vir 'n jaar of twee houtsnee by Tannie Poppie geneem- ek onthou dit was baie lekker. Ek is jammer jy het allergies vir die stof geraak.

Wanneer iemand iets sê soos talent versus nie, dan dink ek altyd aan wat my Mammatjie dikwels gesê het: " Met harde werk en oefen kan selfs die gemiddelde persoon die lui, talentvolle een verbysteek, maar as jy 'n talent het en dit oefen en daaraan werk sal jy met rasse skredes vorder..." of soiets. :-)

Kunsklasse kan 'n mens leer om sekere tegnieke toe te pas wat jou dalk andersins jare sou neem om self by uit te kom. Met kuns wat skilder en teken aanbetref is dit ook goed as jy die regterkant van jou brein oefen en natuurlik teken-fiksheid. 'n Oefening vir jou regterbrein is onder andere om na die foto of voorwerp te kyk en terwyl jy kyk te teken sonder om na die papier te kyk. Vir teken-fiksheid kan jy bv. 'n bak ertjies uitgooi en dit teken en seker maak dat jy elkeen individueel teken (vorm, tekstuur, lig, skadu) en nie net sirkeltjies met skaduwee begin te teken nie. Nog 'n regterbrein-tegniek is om jou blaai in vier kwarte op te deel en te begin teken.

Ek dink dus dat kunsklasse baie goed vir jou kan wees, maar dit kan ook baie sleg vir jou wees. Dit hang dikwels van die leermeester en groep af.

[PM]

Baie dankie vir die goeie wenke wat jy gee Fransi.  As daar nog is sal ons graag wil hoor.
Dalk is hier iemand wat vrae het om te vra, lyk my jy is net die regte ou om te kom antwoord.

[Angelica]

Hallo julle.  My afgelope en volgende week is crazy verby.
Ek bring graag bietjies oor groot skilders met julle.
Ek glo dat enigeen enigiets kan doen deur dit sonder ophou te oefen.  Dan ook kan babas met enigiets soos kuns, musiek, letterkunde ens voortdurend 'gebombaardeer' word en die 'produk' kan 'n meester word.
Slim kinders kan so 'gekweek' word.  Stel hulle vanaf tietie-tyd aan baie kennis bloot deur hulle voortdurend feite speel-speel te gee en jy het 'n genie in wording.
 

[PM]

Dankie Ellé.  Ek is mal oor jou "tietie-tyd".   
Ons het 'n rukkie gelede die gesprek gehad van kinders en belangstellings.  Van al die "suigelinge" wat ek met "digkuns" grootgemaak het, het ek net een kind wat daarin belangstel.  Om alles te bekroon is dit die een aan wie ek die minste tyd spandeer het.  Hy is die jongste en op daardie stadium van die geveg om aan die lewe te bly, het hy aan die agterspeen gesuig.