Maagde in Mali kan beurse bekom
2011-11-24 23:08
Tweets Share Share line EmailPrint
Verwante skakels
Kunsmatige maagdvlies dalk verban
Staat, kerk teen gay huwelike in Sierra Leone
Sierra Leone tel mankes, ge-amputeerdes
Freetown – ‘n Stad in Sierra Leone bied aan om meisies wat nog maagde is teen die tyd wat hulle graad vang, se studiegelde te betaal.
Die doel is om die tienerswangerskappe te verminder deur te verseker dat “ten minste 80% skoolmeisies hul maagdelikheid tot die einde van hul opvoeding behou,” het Mathew Margao, raadslid in die suidelike stad Bo.
“Die stadsraad sal vroulike mediese personeel aanstel wat sal bevestig of die meisies nog maagde is of nie,” het Margao gesê.
Menseregtegroepe en ouers is egter nie baie ingenome met die plan nie.
Abibatu Mansaray, woordvoerder vir ‘n plaaslike vroueregte-groep sê dit “grens aan die skending van die meisies se menseregte”.
Sy het ook bygevoeg dat dit nie volgens haar die beste manier is om die kwessie van tienerswangerskap aan te spreek nie.
“Ek kan nie sien dat ek gaan toelaat dat mense my dogter op dié manier ondersoek sodat sy ‘n beurs kan ontvang nie,” het Aminata Lahai, ‘n enkelmoeder, gesê.
Margao is egter oortuig dat die plan nie net tienerswangerskappe gaan verminder nie, maar terselfdertyd die hoeveelheid opgevoede vroue in Mali gaan vermeerder.
http://afrikaans.news24.com/Afrika/Nuus/Maagde-in-Mali-kan-beurse-bekom-20111124
