“Ek kom om die geyser reg te maak, sê die loodgieter toe die vrou die deur oopmaak. “Maar, daar is niks fout met die ding nie sê die vrou. “Het julle ons nie geskakel nie mev Burger?” “Ek is nie Burger nie ek is Smith, die Burgers het 3 maande gelede al getrek”
“Kan jy dit nou glo, mense bel ons noodnommer en trek dan sommer sonder om die afspraak te kanselleer!”
Die ou snork verskriklik hard. Niemand in sy huis kan geslaap kry nie en wanneer die vensters oop is sukkel selfs die bure. Die enigste stilte is wanneer hy omdraai en effens wakker word. Een nag is die vensters weer oop vir die hitte toe die ou omrol en effens wakker word. Deur die slaap hoor hy hoe die buurman in die stilte sê “Dankie tog, daar is hy nou dood”
