Om verlange te temper is soos om die onmoontlike te probeer

[adele]

Om te verlang ...    

     Vleg 'n honderd vinknessies
aan 'n wilgerboom
op die walle van die Mooirivier...

     Volg 'n duisend springbokke
en ryg hulle pronkspronge
aan riempies om jou hals...

     Strooi 'n miljoen sterre
oor die helder maan
se eggo-blink ronde lyf...

     So kan jy nie sy liefde
met silwerdraad
om jou polse bind nie

     maar herinneringe roep
verlangend in jou hart
waar jy dit ewig kan bewaar

©adéle theron

[Fransi]

Pragtige beelde!

[Naas]

Dit is solo mooi. Ek het nie woorde nie.

[adele]

dankie lief julle   

[Fransi]

 

[PM]

Ek het ook probeer komtaartjie plaas, maar ons internet was weer "down to the ground" die laaste twee weke.  Kom ons hoop hierdie een tref.

Pragtig geskryf Adéle.   

[adele]

hier is die gesukkel ook maar erg, op sy beste het internet ook net gekom om ons vreeslik te versoek, dink ek     
baie dankie Fransi xx 

[Meraai vannie Baai]

Ek lees saam oor die skouer van 'n geliefde mater 

[adele]

Raaitjie! As ek nie my naam sien nie, wonder ek deesdae wie het dit geskryf ... my oudste griffels is al vergete in my geheue ...

[Meraai vannie Baai]

Ken ek nie daardie gevoel nie! Vinknessie sal nooit weer dieselfde wees sonder om aan verlange te dink soos deur jou beskryf nie. 

[adele]