Het julle al matriek-reunies gehad?
Jitte, my matriek maters is al so oud, wonder of hulle nog onthou hulle was in die skool.
Doer terug in die baie vroeg '70's was ek een van die 12.
Ek onthou nog sommige name, maar sommige is ek verbaas oor as ek verneem hulle was saam met my in die klas.
Ek dink hulle jok, want ek kan hulle dan gladnie onthou nie. Heheheeeeeeee...
Ons het reunie gehou doer terug in '91. Almal wat al ooit in daardie skool-(tjie) was, was genooi.
Die hele skool het omtrent 100 leerlinge gehad, vanaf Sub A tot Matriek.
Ek kon 90% van die klomp wat by die reunie was, nie onthou nie. Nou sal ek nie eens 1% kan onthou nie.
Daardie reunie het 'n hele naweek geduur. Daar was hordes mense, oues en nie sulke oues. Daar is skape en varke gebraai en ons het weer in die koshuis se eetsaal bymekaar gekom. Net Mnr Mol het nie die tafelgebed gedoen nie...
Die koshuis, met kombuis en al, word nog steeds oor vakansie-tye gebruik deur vakansiegangers wat Plett toe opruk (:o), want dis net so 15km buite Plett.
Wonderlike plekkie, Wittedrift.
