winter deur die doringblare

[adele]

hier deur die doringboom se takke
   loer die laaste strale
      van die skemer
         by die glasdeur in,
       gooi sulke effense treurnote
   teen die kosyn vas.
sy fyn doringblaartjies
   is ook nie bestand
      teen die koue wat
         van oor die water
      vertel hoe hy
   ons gaan vashou
en doodse tone
   in ons tekkies
gaan agterlaat nie.

 

[Naas]

Tone doodgebyt in winterskou.
Die slinger van jou reels laat die koue rillings in my lyf af dans.

Mooi vers.



 

[PM]

Goed gedoen Adéle.  Die tipografie is interressant.  Vertel hoekom het jy dit so geskryf asseblief.

[Trapsoetjie]

Mooi mooi mooi. Ek hou van die manier hoe dit so lekker vloei. 

 

[adele]

  dankie vir julle komtaar      

hier voor die een chalet staan doringbome met hulle voete inni water omdat di dam so vol is. en hierdie het ek geskryf toe die son een aand op die golfies weerkaats het tot ini chalet, as die wind waai maak die dam sulke ronde rimpelings en klein golfies.

 

[PM]

Dankie vir die deel hiervan.  Dit klink so soet en rustig uit jou pen!