Bejoeks en Bejoos...

[Angelica]

Kom ek op twee woorde af vanoggend:

Vanaf RapportWeb:
Op Upington kry jy 'bejoekse' inwoners... Huh, wat sou dit beteken?

En dan in die woordeboek (oeroue) terwyl ek so soek, die volgende:  
'bejosie' - Beteken om deur die duiwel besit te word.  
(Call my 'Josie'.  My Ma het altyd gese ek is van die duiwel besete as ek 'n vloermoer gooi as die klomp seuns (vier) my so karnuffel.)

[PM]

Bejoeks?  Nog nooit daarvan gehoor nie en my HAT het ook nie.  Hy ken nie eers die woord "bejosie" nie.  Eish, wie kan help?

[Angelica]

Ek loer van onder my vlerk... rooi innie gesig.   
Bejoeks is daai deng wat so oor jou kom as jy sulke gevoelentheid in die onderlyf kry en jy nou moet, anders is dit verby. Sommer so onnerie lessenaar of voor jy nog die sleutel draai van jou tjor om huistoe te ry.  Haai oeeeee.
Upington se mense is die bejoekste in die land, so se hulle.  En dan Blommetjiesfontein.
Aarde, wat sou Oupa gese het van die dinge sommer so innie openbaar?   

[Aspoestertjie]

Oupa se hy ken dit as "betjoeks"As 'n man betjoeks is is hy betjoeks, dan kan jynie veel daaraan doen nie.
Hy se ook, "'n Mens wat betjoeks gaan slaap staan moeg op."
De josie in as hy kwaad word.



 

[Meraai vannie Baai]

Gatkantlanders is soms betjienks en betjoings. Betjoeks klink soos tronkstraf vir my 

[PM]

Klink vir my na 'n "lekker" klomp, daai Uppingtonners, of spel 'n mens dit nou met 'n d?   

[Meraai vannie Baai]

  As hulle almal die josie in is sal 'n D'tjie beskrywend genoeg wees PM!

[PM]

Ek dink dit is mooi woorde om te gaps vir die woordskuur.   

[Meraai vannie Baai]

Ek stem  toe ... Erf gemerk 

[PM]

  Altyd 'n sterretjie!  Dankie Raaitjie.  Ek is so ver agter met lees en antwoord, dan skuld ek nog broodreseppies  maar dit sal kom, ek "blowe". 

[Meraai vannie Baai]

Hand oppi hart en troebob-njannies? 

[PM]

Sowaar as wat padda manel dra.