Waar is julle?

[PM]

Dankie julle.  Dankie Naas.  Het laasnag in my eie bed geslaap.  Morsdood geslaap.  Nie eers eenkeer omgedraai nie. 
Anton, dit is pragtig groen hier.  Die bos lyk te pragtig, maar dit is die stilte wat my kniee laat knak van dankbaarheid. 


Man, ek wil net nie daardie tweede asem kry nie.  Ek gaap soos 'n kraai wat in die warm son sit! My voete lyk darem beter.  Oom dokter het 'n week gelede "bloed gelaat".  Net 400ml gekry.  Maandag weer probeer.  Net 100ml, as dit so baie was.  Seg hy my bloed is te dik.  My hart werk te hard.
My 0 is te dik as jy my vra!  (Anton, 0 staan vir gat    ) 


Ek moet oor 'n week weer gaan.  Een ding is verseker, niemand gaan 'n kano van my maak nie.   

[Meraai vannie Baai]

Jou humor is aansteeklik liefste forummoedertjie van ons  ek stem saam oor die kano. More is dit weer my beurt. Ek wens die bewende lab-tannietjie wil nou aftree. Sy kom so bewe-bewe aan met die naald en as sy hom in jou arm het, begin sy die naald heen en weer beweeg - opsoek na 'n aar  ek kry hoendervleis as ek net aan dit dink.

[PM]

Ek is jammer vir jou matertjie.  Dit voel sommer of ek sand onder my valstanne het.  (Ek hettie eers valstanne nie    )
My dokter is darem jonk en aantreklik, 'n bietjie skeef maar wat, dit pla my mos nou gladnie. 
Hier na die derde steek toe kry hy daai dik pea-shooternaald in 'n ou klein dun aartjie net bokant my duim se laaste lit en hy klou my hand en daai naald vas vir 'n vale.  (Ek seg nog steeds, dit is hoekom daar nie wou bloed uitkom nie.    )
Hannes was nie baie be-indruk met my nie, toe ek vir oom dokter seg dat hy maar net kon vra as hy my hand wou vashou. 


Jy laat my nou dink aan die ou seuntjie wat wou het dat sy ouma hom moet vat om te piepie, want sy ouma bewe dan so lekker.   

[Meraai vannie Baai]

Ek is verkrukkeld gelag diekant van die aardbol.  Sien ek al die prentjie.  En so sien ek ook vir jou en die mooie dokkie - hand aan hand. Griet verdriet, ek het nie eers geweet hulle probeer bloed trek uit jou vinger nie. Soms is ek gelukkig om by 'n lab uit te kom as ons toer, waar die tegnikus jou vinger prik vir die INR toets om die warfarin dosis te kan aanpas. Nooit te oud om te leer nie.

[PM]

Daar loop 'n lekker dik aar net tussen jou duim se laaste lit (bo) en die pols.     Een groot pluspunt is dat dit geen pers-groen-blou-merke gelaat het nie.  Ongelukkig wou dit ook nie bloed laat nie.   

[Meraai vannie Baai]

Oi joi joi. Nog iets geleer vandag! As jy weer 'bloed moet laat' onthou om vooraf genoeg water te drink. Dit help om nie vol gate gesteek te word opsoek na are wat wil saamspeel nie 

[PM]

Ek sal dit beslis onthou. 
Daar is ook soveel menings aangaande bloedlaat as wat daar dokters is.  Hier is 'n "bossiedokter" wat glo jy veroorsaak maar net ander probleme, soos 'n tekort aan yster en ander minerale.  Hoe weet 'n mens nou eintlik wat is reg en wat is verkeerd.