Realiteit is: daar is geen salf meer te smeer nie. Die tyd is verby om die massas onder beheer en ge-disseplineerd te kry. Elke geslag is bietjie meer buite beheer as die vorige. Alles word erger, meer.. dit is buite beheer en dit is deur onsself geskep.
Om weer terug te keer tot orde, moet twee geslagte of uitgewis of geskip word.... en dit is onmoontlik. Ook kan jy nie elkeen wat verkeerd trap van die aardbol verwyder nie (alhoewel mens soms voel Mnre M en M moet op 'n rocket sit gemaak en Pluto toe geskiet word).
Dit is elke ouer, enkel of paar, se plig om sy kind te dissiplineer, op te voed. Maar as onsself nie opgevoed en gedissiplineer is nie, hoe kan dit verwag word dat ons kinders moet wees ?
Kinders kry kinders en het geen benul van ouerskap nie. Ook is daar soveel ingeprop in een woning, dat die struktuur van 'n ouerhuis soos dit moet wees, onmoontlik is om te handhaaf. Kinders slaap by hul ouers in die kamer en weet van kleins af wat hul ouers doen as die bed kraak. Hulle word aan seks blootgestel op 'n enkeljaar ouderdom. Niks is vreemd nie en alles is maar ok. Drugs, drank, seks, misdaad is aan die orde van die dag in die buurt en dit steek vas in die jong brein.
Ons is vasgekeer in 'n wereld wat al hoe meer en meer buite orde spin.
Ouers dink dit is die onderwyser se plig om die kind op te voed. Onderwysers is tot hul ore toe toe onder die dag se taak en dit is onmoontlik om by almal uit te kom en aandag te gee. Gewoonlik is dit die kinders in die middel wat die meeste aandag kry. Die wat nie wil deelneem aan die LESSE nie, word ge-ignoreer en die kind wat na homself kan omsien, moet maar op sy eie aangaan.
Die wat dit kan bekostig, moet hul kinders by die huis onderrig of na 'n skool stuur wat die toekomstige krimineel-element nie toegelaat word nie.
