Huis toe

[Ans Botha]

ek wil huis toe
daar waar die winde
deur die bloekombome fluit
en die Marico Rivier vloei

ek wil weer saam die blouapies
op die rivieroewer bollemakiesie slaan
die hasies probeer vang
wegkruipertjie speel met die eekhorinkies

ek wil as ek moeg is
weer op 'n boomstomp sit
met my voete in die stroompie water
van die Groot Marico Rivier

ek wil luister hoe die wind
sy liedjie speel deur die bloekom blare
die gemurmel van die water hoor
na die stilte luister

ek wil huis toe gaan
daar waar vrede in die aarde lê
saam met die waters vloei
waar jy nog die stilte kan hoor

© ANS BOTHA

[Meraai vannie Baai]

Ek sing lustig saam! 

[PM]

Mooi so Ans.  Dit is heerlik om jou weer raak te lees.  Welkom terug.   

[Ans Botha]

Dankie ek het die laaste ruk gesukkel om op ons werfie te kom. Dankie vir julle saamlees ook