Bird's Eye View...

[Angelica]

Bird's Eye View

vanuit haar venster
in 'n beton muur

'n beton muur

agter die beton muur
'n beton muur

agter beton mure
'n groen blaarsambreel
waarin die oggendwind speel
die voëls van die hemel vergader

deur haar venster
in die beton muur

val 'n straal
'n sonstraal
val 'n sonstraal op  haar

as dit nag is
deur haar venster
in 'n beton muur
wink speldekop-sterretjies

vir haar

vanuit haar venster
in 'n beton muur
'n beton muur
waarop die mossie en sy maat
met mekaar praat

haar wêreld is grys
betongrys
dis hier waar sy skuil
vir die wêreld
vir haarself

©Elsabe - 2008

[Trapsoetjie]

Dis baie mooi.

Soms wil die mure my ook vas hou, wanneer jy dit so beskryf. Kan ek voel hoe ek sukkel om asem te haal, tog voel sy veilig in die koue kloue van haar grys wereld.

[Meraai vannie Baai]

Beeldende lyne wat boekdele spreek. Lief die digters eggo Elsabe! 

[PM]

Ek hoop jy het dit geskaai Meraai vannie Baai!

Pragtig Elle. 

[Meraai vannie Baai]

 

http://forum.afrikaanseforum.co.za/index.php?topic=1999.0

[Angelica]

Dankie Trappies, Meraai, PM en almal wat lees.
Ek het hierdie gedoen in 2008 terwyl ek die 'swart jas' gedra het.
Gelukkig het ek nog nie weer so koud gekry nie.

[PM]

Jy stel dit pragtig en ek is so bly dat daardie wintersnag jou nie weer besoek het nie.   

[Ans Botha]

Pragtig, dit het my koue rillings gegee. Hou aan om so te skryf, ek hou daarvan.

[Angelica]

Dankie Ans...
Hulle se dat uit die diepste, swartste gat die mooiste werke kom.

[Ans Botha]

Dit is waar wat jy daar sê. By kom dit as natuurlik as die eina op die grootste is.

[Meraai vannie Baai]

Jy was 'n slagoffer van die woorddief 
http://forum.afrikaanseforum.co.za/index.php?topic=4297.msg29102#msg29102

[Anastasia]

Sjoe, die gedig praat hard in my oor.  Want vir my het dit waarlik figuurlike betekenis wat ek mee vereenselwig, maar ook LETTERLIKE herinnering word opgeroep.