*Name verander om die betrokke partye te beskerm: Sit ons tweetjies die anderdag in 'n cowboy kroegie en suie aan 'n kouetjie. Wys ek vir Outop na 'n verkreukelde paartjie oorkant ons. "Oor tien jaar gaan ons tweetjies ook seker so lyk Pa". Gee hy ligte snorkie en hak af: "My ou hartlam, dis 'n spieel"
Het julle al agtergekom ons generasie word omsingel en bedreig? Vanoggend stuur gawe vriendin vir my 'n waarskuwing en se ek moet dit asseblief met al ons vriende deel. Hierdie bose aanval moet gestuit word.
Sy noem onder andere hoe styl het trappe skielik geword, kruideniersware weeg soveel swaarder as paar jaar gelede.
Selfs ons eie strate word langer! Jong mense raak so ongeskik, hulle fluister openlik en as jy hulle vra om harder te praat, herhaal hulle hulle self tot hulle rooi in die gesigte is.
Een ligpunt: my vriende word vinniger oud as ek. Gister het een goeie vriendin my nie eers herken nie!
