Ek lees vandag weer hier en besef hoe skielik 'n mens se lewenspaadjie ander rigting inslaan. Met die plasings van hierdie posts was die woord Pulmonary Hypertension nog net twee woorde. Na paar krinkels, draaie en naalde het dit werklikheid geword.
Vandag 'n brief uit die posbus gehaal met my naam op. Eers gewonder waar het die dem spietkop weer weggekruip en net begin verskonings uitdink vir die man van my hart wat die boete moet betaal, toe ek die koevert omdraai:
Queensland Lung Transplant Service.
My afspraak vir 22 Nov gefinaliseer en so begin 'n nuwe pad. Die laaste strooitjie van PHenomale hoop dat die drukking in die hartkamer veroorsaak was deur 28 jarelange plaag met klontjies in die been en longe. Dat die been met operasie herstel kan word deur die kundige span, en medikasie dan die drukking sal verminder in longe en hart; my pad sal lei na herstel sonder dat ek 'spare parts' gaan nodig he vir oorlewing.
As die klontjies nie die sondebok was nie, is daar nie meer omdraai nie.
Bid asb saam met ons
