Gewoonlik in kwartet vorm geskryf vertoon die gedig soos 'n toebroodjie met lae waarvan die eerste en laaste reëls (jou brood) om en by dieselfde lengte is.
Die twee middelste reëls is die vulsel en hulle moet ook weer naastenby ewe lank vertoon.
Rymvorm is ABBA en met hierdie Afrikaanse weergawe van my op die Engelse Sandwich Poetry, is daar geen lettergreep-telling nie, slegs die visuele toebroodjie voorkoms.
*Variasie met meer lae/vulsels word in die titel aangedui: Toebroodjie gedig met vyf/ses lae ens. En al die vulsel-reëls sal dan rym.
Voorbeelde:
Tussen ons lewens-lae;
verseelde liefde
tonne vreugde,
en onthou-jy-nog-dae
©
Jou liefde was die prop
om die leemte-gat
in my lewens-vat
volmaak, toe te stop
©
Daar is tussen jou en my
~geen mure~
~toe deure~
om 'n skeiding te vermy
©
Wat sal 'n struktuur nou wees as ons nie eie variasies daarop kan toepas?
Dieët-Toebroodjie
Jy hoef jou oor gewig nie te kommer
want
daar is net een laag met komkommer.
©
Woordworsrol
Ekke lief strukture,
daar pronk meer as 'n honderdtal reeds
in die woordskure!
©
