« previous next »
Pages: [1]   Go Down

Author Topic: Hoe lank nog  (Read 2358 times)

0 Members and 1 Guest are viewing this topic.

Offline Gawelina

  • Regular Members
  • Snuiter
  • Posts: 360
  • Gender: Female
    • Gawelina
Hoe lank nog
« on: October 16, 2011, 09:15:51 PM »
Hoe lank nog
gaan ek woordloos
oor onvervuldheid kla,
gaan ek sonder ‘n enkele geluid
skreeu teen die donders van ‘n leë hart
hoe lank nog gaan hierdie hel in my binneste
my brand en brand en brand, tot ek
uitgeput op die grond bly lê
hopie mens, hopie niks
hopie uitgebrande,
nuttelose as?

hoe lank nog
voordat my dwase hart
eens en vir altyd sal kan glo
dat selfs die nuttelose kom tot nut
as ‘n omgee oog sy visier op hom het?
as hy uit gebrande as ‘n steenkoolstukkie neem
en daarmee ‘n nuwe houtskoolskets
op spierwit doek begin –
skoenlapper uit as
nuut en nuttig
totaal uniek
Logged

Offline PM

  • Administrator
  • Meester
  • Posts: 10713
  • Gender: Female
Re: Hoe lank nog
« Reply #1 on: October 16, 2011, 10:33:04 PM »
Pragtig geskryf Gawelientjie.  Ek hou van die positiewe wending van die gedig. 
"houtskoolskets op spierwit doek begin..."
Logged
Om te weet is om te verstaan.

Offline Angelica

  • Regular Members
  • Hardebaard
  • Posts: 1674
  • Gender: Female
Re: Hoe lank nog
« Reply #2 on: October 17, 2011, 06:20:09 AM »
O jitte.. dis pragtig.
Daar is baie werk hierin gesit en die resultaat is uitstekend.
Jy is 'n vrou van vele talente.
Logged
elle

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Hoe lank nog
« Reply #3 on: October 17, 2011, 06:34:40 AM »
Steenkoolsketsies op 'n lewensblaaidjie. Prastag geskryf...

(Prastag - Passend mooi)







 :icon_bigsmurf:
Logged
Ek is maar net een, maar ek ís een.
Pages: [1]   Go Up
« previous next »