Dit gaan orals so. Vervalle! Dit is so jammer.
Ons het die langnaweek in Oktober, as dagbesoekers by die KNwildtuin probeer inkom. Dit was nag! Die karre het vir kilometers voor die hekke gestaan. Toe ons uiteindelik teen half elf die oggend toegang kry, was die park leeg, die toilette vol. Vol afval en vol gemors, maar geen toiletpapier of skoonmakers nie, (hulle het buite met mekaar gestaan en klets, of op 'n selfoon besig) Selfs by die restaurante was daar toue en toue mense wat ure moes wag vir 'n stukkie kos. Nee dankie, dit is nie vir my nie. Ook nie vir die buitelanders nie. Hulle het gemor en geknor en luidkeels vertel dat hulle nooit weer daarheen sou gaan nie en dit ook aan al hul vriende sou vertel.
