Die Afrikaanse Forum

Kom skryf saam in jou eie plekkie => Kom deel jou woordwerke => Cornelis se plek => Topic started by: PM on May 14, 2013, 02:54:33 PM

Title: Rieldans
Post by: PM on May 14, 2013, 02:54:33 PM

Ouens, ek plaas Cornelis se gedigte hier en vra dat julle asseblief sal help proeflees en voorstelle bring. Ek het leestekens hierby gevoeg, as julle dink dit moet weg, help asseblief.   

Rieldans

Die ure het as wagters
oor die helse marteling getroon.
Toe,
oor gebarste lippe
-met gebalde vuis geslaan-
Hy,
stadig  die smart woorde prewel:
“ Eloi… Eloi…lama ..sa..ba..g..t..a..n..i”
en die bloedbesmeerde  Gebrokenheid
se siel het saam met die voorhangsel geskeur.
Alleen en verlate,  met spykers deurboor,
het Hy my sonde met liefde gedra.
Toe die klip weer wegrol     en bloed in die hemel roep
het die beendere in beroering gekom
rieldansend uit die duisternis het hul gekom
en deur die ruimte klief hallelujas:
‘Waardig is die Lam!”

© Cornelis 

Title: Re: Rieldans
Post by: Angelica on May 15, 2013, 07:33:48 PM

Klink en lyk perfek vir my.
Is Raaitjie beskikbaar?

Title: Re: Rieldans
Post by: Angelica on May 15, 2013, 07:34:11 PM

Adele??

Title: Re: Rieldans
Post by: PM on May 16, 2013, 05:23:07 AM

Adéle het haar hande vol.  Ek is seker sy sal nog kom loer.  Raaitjie is met vakansie, maar ek dink sy behoort nou binnekort terug te wees. 

Hierdie woorde sou ek effens omgeruil het, maar ek wag om te hoor wat julle sê.

Toe,
oor gebarste lippe
-met gebalde vuis geslaan-
Hy,
stadig  die smart woorde prewel:
prewel Hy die smart woorde    of    prewel Hy stadig die smart woorde

Title: Re: Rieldans
Post by: Angelica on May 16, 2013, 05:39:33 PM

'smart woorde'  dalk  'smartwoorde'?

Title: Re: Rieldans
Post by: PM on May 17, 2013, 01:58:08 PM

Ek dink jy is heeltemal reg.  Smartwoorde - een begrip een woord.  Dankie Elle.

Title: Re: Rieldans
Post by: adele on May 17, 2013, 08:10:56 PM

toon inni sand, Elle, ek loer gou en dankie vir jou vertroue

Quote from: PM on May 14, 2013, 02:54:33 PM

Rieldans

Die ure het as wagters
oor die helse marteling getroon
toe Hy
oor gebarste lippe
-met gebalde vuis geslaan-
stadig die smartwoorde prewel:
“ Eloi… Eloi…lama ..sa..ba..g..t..a..n..i”   [wat van net spasies sonder ...?]
en die bloedbesmeerde Gebrokenheid
se siel het saam met die voorhangsel geskeur.
Alleen en verlate     met spykers deurboor,          ['n komma en 'n spasie saam, maak nie sin nie]
het Hy my sonde met liefde gedra.
Toe die klip weer wegrol    en bloed in die hemel roep
het die beendere in beroering gekom,
rieldansend uit die duisternis het hul gekom    [ek sou die woorde nie herhaal nie, maar onthou ... dis sy besluit]
en deur die ruimte klief Hallelujas:
‘Waardig is die Lam!”

© Cornelis 

-met gebalde vuis geslaan-
die idee pas nie vir my in by SY houding gedurende die Kruisiging nie, net my eie gevoel

 :grommit: 

Title: Re: Rieldans
Post by: PM on May 19, 2013, 09:37:49 PM

Adéle, ek lees dat SY lippe gebars is deur - met gebalte vuiste- geslaan.  Dit lees ook vir my moeilik. 
Dalk kan ons koppe bymekaar sit om dit beter te maak. 

Title: Re: Rieldans
Post by: adele on May 20, 2013, 06:12:08 AM

ek verstaan nou ook, Sy lippe deur ander geslaan ... grooot ekskuus vir my verkeerdlees, eers het die loop van die woorde vir my geklink asof Hy moes kwaad wees ...maar dis reg soos dit daar staan. 

 :grommit: