Selfverwyt en vergifnis

[Jeannedarc]

PM

Ek sou met die tweede "vasgevang" eerder die woord "kerker" gebruik het, dis vir my meer kragtig as vasgevang.

[PM]

Natalie, ek is mal oor daardie woord,  wys net vir my waar jy bedoel ek dit moet gebruik asseblief.   

[Jeannedarc]

nagdonker wat jou siel gevange hou - nagdonker die kerker van jou siel / nagdonker jou siel se kerker

[PM]

nagdonker wat jou siel gekerker hou...  kan dit so ook werk?

[Jeannedarc]

PM

Ja ek is seker dat dit so om ook kan werk - as jy tevrede is daarmee dan's dit great.

[PM]

Baie dankie Natalie,  ek hou daarvan.     Ek het dit so verander.

[PM]

Hier is nog 'n poging.  Wat dink julle?

Selfverwyt en vergifnis 

Vasgevang in 'n diep duister poel,
nagdonker wat jou siel gekerker hou,
eensaamheid wat elke asemteug verstik,
selfverwyt wat oor jou gewete spoel.

Wat het jou daar laat beland?
Van watter pad het jy afgedwaal?
Die klagtes wat jy teen jouself inbring
laat jou hande in jou skoot verwring.
     
Hoeveel mense sonder skuld
wil jy nog, skaamteloos en verwoed,
diep in dieselfde donker poel werp
om saam vir jou sondes te boet?

Gaan kyk in die spieël na jouself.
Jy! Deur jou Skepper hier geplaas,
tog seker nie vir die doel om te drink
uit 'n selfbejammeringspoel nie.
   
Dit is nou tyd om jouself te vergewe,   
om jouself in die oë te kyk en te lewe.
Kyk na die mooi lig op die horison, 
dit is vergifnis wat vir jou opkom.

Kyk links van jou is die stut wat ek  uitreik,
daar regs is nog meer hande om te gryp.
Sien hierin die liefdevolle genade van God.
Gryp dit vas en trek jouself weer op.

[Ah Willa]

Dis 'n prag gedig ...

as ek dit hardop lees pla die 'n my in die eerste sin ... dis so meer dramaties sonder die 'n

Vasgevang in diep duister poel   (moet dit altyd taalkundig reg wees??)

die 'n skep 'n rukkerigheid in die sin ... sonder die 'n vloei die ritme van erns ...

maar ek het nie 'n pedigree nor degree to offer - only my hart se gevoel 

Dis werklik 'n prag gedig!!!  Ek hoop hy pronk in boek no2!

[PM]

Baie skrywers sal vir jou sê dat dit nie altyd nodig is om "taalkundig reg" te wees nie. 
As dit reg klink en dit lees reg is dit reg. 
Ek het dit 'n paar keer gelees en ek dink tog jy is heeltemal reg. 
Wat dink die ander daarvan?

Ek het die gedig laat oorstaan vir boek 2 om plek te maak vir die ander ouens. As dit moontlik is, pas ek dit in vir boek 2.

[Ah Willa]

 

boek twee dit is dan

sal ook wil hoor wat die ander dink :)

[PM]

Ek lees oor 'n gas se skouer en besef weer hoeveel dit vir 'n skrywer beteken as ander skrywers inspring en help. 
Ek lees ook tussen die lyne dat ander skrywers versigtig is om hul mening te deel.  Vir my is dit goud werd.