Kom ons praat VARK RIBBETJIE

[Jeannedarc]

please forgive my ignorance but what is kosher salt?

[Terry]

Ek dink dis maar dieselfde as seesout, daaride growwe groot soutkorrels.

[PM]

Ek het ook gaan soek wat dit is en het hierop afgekom:  "Kosher salt contains no additives"  nou weet ek ok.   

[Terry]

Rooibostee varkribbetjie:

1 heel varkrib (sowat 2 kg)
MARINADE
250 ml (1 k) sterk rooibostee
125 ml (½ k) olyfolie
125 ml (½ k) tamatiesous
125 ml (½ k) sterk blatjang
30 ml (2 e) worcestersous
45 ml (3 e) balsemieke asyn
10 ml (2 t) knoffel, gekap
10 ml (2 t) heelkorrelmosterd
2 sopies brandewyn
3 ml (ruim ½ t) tabascosous
5 ml (1 t) suurlemoenpeper
5 wonderpeperkorrels
3 lourierblare
SWOERD
growwe sout
olyfolie
suurlemoensap

    Sny die swoerd (vet) van die ribbetjie af en hou in die yskas.
    MARINADE Meng die bestanddele vir die marinade in 'n kastrol en bring tot kookpunt.
    Laat afkoel, giet oor die rib en marineer oornag in die yskas. Haal die rib uit die marinade.
    SWOERD Sny met 'n baie skerp mes van bo na onder lang kepe in die vel sonder om dit dwarsdeur te sny; die vel moet steeds een stuk wees.
    Vryf die vel goed in met die sout, olie en suurlemoensap. Braai die swoerd op baie warm kole tot bros en breek in stukke vir 'n voorgereg.
    RIB Nou is die kole reg vir die rib. Braai dit 45 minute liniaalhoogte van die kole af. Bedruip deurentyd met die marinade.

[PM]

Dankie vir die resep Terry.  Dit sal goed werk hier in die bos op die kole.

[Meraai vannie Baai]

Terwyl een van ons gaste hierdie onderwerp 'print' raak ek slimmer en hongerder 

[PM]

Gerhard maak die heerlikste varkrib op die kole.  Nou is ek ook honger Raaitjie.

[PM]

Dit is wonderlik om te weet hoeveel mense van die forum gebruikmaak vir inligting.  Ons is wenners!