Author Topic: Die Khoi se Swanesang  (Read 3719 times)

0 Members and 1 Guest are viewing this topic.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Die Khoi se Swanesang
« on: June 05, 2011, 07:04:18 PM »
Na lang gesoek het hy gevind.
Ja kos gekry vir vrou en kind.
Die veld is droog
Die  Kalahari boesmankind
se neusvleuels snuif in die wind.
Mik pyl en boog.
Gifpyl volg reguit agter punt
om die bokkie se sy te vind.
Bokkie spring hoog.

‘n Stofwolk soos die bokkie poog,
te vlug deur bossies en oor loog.
Khoi agterna.
Atlete op die wen verhoog.
Een verloor met traan in die oog.
Wyl pylpunt pla.
Khoisan lig die trofee omhoog,
bloed spuit uit die wond ‘n boog.
Vleis aan gedra.

Kos vir die kinders en vir ma
ook vir ouma en ou papa.
Wildsbok se vleis.
Maar eers die goeie gode vra,
bok se siel na hulle te dra.
op hemel reis
Dan die familie by meka’.
Die dans aan jagter opgedra,
om hom te prys

Eers dans die jagter om te wys
hy bekruip die wildsbok vir vleis
en skiet die pyl.
En dan dans almal by die huis
om ook hul dankbaarheid te wys
wyl babas huil
Oupa en Ouma nou al grys
kry voorkeur stukkies van die vleis
en kinders kwyl.

Terwyl die maan oor koppies seil
en jakkals agter bossies huil
voer ma die kind.
Nou ‘n bok, more dalk ‘n muil
word vir oorlewing uitgeruil.
Daar’s kos my vrind
As indoenas die land vervuil,
sal hierdie kind wat nou so huil
nog kos kan vind?


 :icon_bigsmurf:
« Last Edit: June 09, 2011, 06:40:58 AM by Naas »
Ek is maar net een, maar ek ís een.

Offline PM

  • Administrator
  • Meester
  • Posts: 10692
  • Gender: Female
Re: Die Khoi se Swanesang
« Reply #1 on: June 07, 2011, 04:54:46 AM »
Goed gedoen Naas.  Dit is 'n moeilike struktuur wat jy goed bemeester het. 
Om te weet is om te verstaan.

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Die Khoi se Swanesang
« Reply #2 on: June 08, 2011, 07:38:54 PM »
ek staan terug met 'n knieknik, dis baie besonders.

[[jou tweede reël, moet dit wees "vrou ek kind / vrou en kind?"
ek maak net seker]]

 :grommit:
adéle  :grommit:

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Die Khoi se Swanesang
« Reply #3 on: June 09, 2011, 06:43:18 AM »
Dankie en kniebuig vir daai een. Dis een van daai wegkruip foute wat die skrywer 100 keer mislees omdat hy weet wat die regte woord is.



 :icon_bigsmurf:
Ek is maar net een, maar ek ís een.

Offline PM

  • Administrator
  • Meester
  • Posts: 10692
  • Gender: Female
Re: Die Khoi se Swanesang
« Reply #4 on: January 18, 2012, 09:51:54 AM »
Het gou weer hier kom loer, soek na 'n paar leestekens wat wegkruip. 
Dit is beslis so, 'n mens se brein maak self daardie foutjies reg. 
Om te weet is om te verstaan.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Die Khoi se Swanesang
« Reply #5 on: August 22, 2018, 02:37:02 AM »
Aai toggie PM. Jy en jou soeke na my leestekens. Glo my, ek gaan deur elke woord en leesteken. Self's die wat nie daar is nie het 'n doel. (Al is die doel net om jou te irriteer.  :wave: :love7:


 :icon_bigsmurf:
Ek is maar net een, maar ek ís een.

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Die Khoi se Swanesang
« Reply #6 on: August 22, 2018, 04:31:50 AM »
....selfs die wat nie daar nie is nie, het 'n doel  :notworthy:

Offline PM

  • Administrator
  • Meester
  • Posts: 10692
  • Gender: Female
Re: Die Khoi se Swanesang
« Reply #7 on: August 22, 2018, 04:14:50 PM »
Jy sal verbaas wees oor hoeveel ek die afgelope ses jaar geleer het Naas.   :read2:
Om te weet is om te verstaan.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Die Khoi se Swanesang
« Reply #8 on: August 22, 2018, 05:30:03 PM »
 :love7: :pottytrain2: :notworthy:


 :icon_bigsmurf:
Ek is maar net een, maar ek ís een.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Die Khoi se Swanesang
« Reply #9 on: September 20, 2021, 01:01:37 PM »
Ek wil net weer 'n slag se: Ek lief julle almal.

 :icon_bigsmurf:
Ek is maar net een, maar ek ís een.

Offline Assie

  • Regular Members
  • Snuiter
  • Posts: 480
  • Gender: Female
Re: Die Khoi se Swanesang
« Reply #10 on: September 20, 2021, 01:34:59 PM »
OOM NAAS! Wat van tannie Elmarie?

 :mumum:

Offline PM

  • Administrator
  • Meester
  • Posts: 10692
  • Gender: Female
Re: Die Khoi se Swanesang
« Reply #11 on: September 20, 2021, 01:50:00 PM »
Tannie Elmarie is ook lief vir ons.   :angel12:
Om te weet is om te verstaan.

Offline Antjie Patat

  • Matroos
  • Suigeling
  • Posts: 176
  • Gender: Female
  • Passievol Afrikaans!
Re: Die Khoi se Swanesang
« Reply #12 on: September 20, 2021, 02:05:16 PM »
Lieflike Koi gedig Naas.
Hoe mis ons jeug nie uit nie... ek sien wat jy skryf...  as daai boesmankind nie op n 'teevee' game rondhol met tenminste twee assegaaie in sy anale kanale nie, sal hulle niks weet van buk-en-bekruip, en wildsbokkie slag nie, of n coke bottel in die lug gooi ens nie...

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Die Khoi se Swanesang
« Reply #13 on: September 30, 2021, 11:08:52 PM »
En ek kom nederig AMEN skryf op jou reaksie ou Antjie  :notworthy:

Offline Assie

  • Regular Members
  • Snuiter
  • Posts: 480
  • Gender: Female
Re: Die Khoi se Swanesang
« Reply #14 on: October 01, 2021, 02:39:04 AM »
Ta Antjie en Ta Raaitjie. Dis vir my mooi en kosbaar as elke leser se oe iets anders raaklees in iemand se werk. Dit het destyds vir Woes en nou hierdie forum sy dryfkrag gegee. Al het dit op Woes tot groot baklei gelei heet dit tog waarde toegevoeg.
Ek en Oupa skerts soms sommer net om bietjiedie erns te breek en soms dalk bietjie te veel maar in die skerts is daar baie keer 'n versteekte traan.
Dankie vir julle komtaar, liefde, aanvaarding en omgee.
(o ja, en verdraagsaamheid)

 :mumum: