Nuwe Digkompetisie - "Kom-proe-saam-poësie"

[PM]

   Ek het dit geniet! 

Galgehumor walg-sonnet 18 beta
(Shakespeare nie meer)

[Meraai vannie Baai]

Liewe digmaters, daar is nog net een week oor voordat die kompetisie sluit. Asseblief - kom plaas jou kombuisverse vir ons hier. Terry het die pragtigste pryse geskenk 

[Gawelina]

Kombuis song    

die jellie van jou yskasliefde
wil ek in my kombuis verhit   
in Bauerpotte op die stoof
moet die begeertes ekstaties prut
 
soos die patat se skille
moet jou teëstand asblik toe wyk
net die soetigheid van jou lyf
sal saam in die brousel gaan
 
van ons drange en luste
sal ek maalvleis maak
dit dan rol in ‘n degie
kort-kort bestryk met sousies
gemaak in my geheime spens

feestelik sal ek dit dan opdis
in ‘n lyflike Argilla bak
opskep bietjie vir bietjie
tot jy van ongeduld wil gil

eers dan kry jy die poeding
aarbeie en room
en liefdeswyn verkil
my kombuis die oorsprong
van ons amoreuse spel.

© Gawelina 2009

Food of  love

In my kitchen, I am the creator
of many a lovely dish,
each one even greater
from a pie to a fish.

main course is from the ocean
oysters, prawn and calamari rings
filled with love’s essential potion
champagne to stir up things

from the fridge,  chilled wine
honey for our lips
because when we dine
it’ll be with our fingertips

strawberries and cream
chocolates and brandy
the fantasies of your dream
ingredients for a lusty candy

your body I’ll slowly feed
while on your knee I sit
my fingers set our dreams free
sensually
slowly
bit by bit

© Gawelina 2009

[Meraai vannie Baai]

Gawie dit is prrragtig!! Ek is gaande hieroor matertjie    

[PM]

Dit is wragtig pragtig!  Baie mooi geskryf Gawie. 

[Meraai vannie Baai]

Kale vier dae oor - maar genoeg ure om jou stomende, gevriesde of ingelegde kombuisverse - vir ons op te dis

[Meraai vannie Baai]

Hierdie kompetisie is nou gesluit. Terry sal ons wenner van die lieflike pryse kom aankondig.
 

[PM]

Dankie Raaitjie.  Amper 400 keer gelees met twee inskrywings.   

[Meraai vannie Baai]

Ek ongelooflik dankbaar vir hierdie twee puik bydraes matertjie. Dit is 'n voorreg dat ons die liefde in beide fases hier neffens mekaar kan lees. Vir my is elkeen 'n pronkstuk in eie reg.  
My syfertjie wys hierdie erfie is 566 keer gelees, wys joune net ampertjies 400?

[Terry]

Eerstens wil ek graag baie dankie aan ons deelnemers se, julle is sterre!

Namens Squisita Jewellery is dit my voorreg om die wenner van ons "Kom-proe-saam-poësie" kompetisie aan te kondig. En die wenner is:

  GAWELINA    Vir 'Kombuis song' en 'Food of love'.  Baie dankie vir jou oulike bydrae tot die kompetisie Gawelina.

Jou wenprys is 'n Squisita Jewellery armband, ter waarde van R380 en 'n R200 geskenkbewys.  (Fotos aangeheg).

Ons sal in kontak met jou bly om so gou as moontlik jou prys in die pos te sit.

Weereens baie dankie vir die deelnemers.

[Gawelina]

Sjoe! Baie dankie. Nooit gedink die ABC gaan my so seën nie. En om te dink die gedig is destyds geskryf toe Stof my uitgedaag het. Wens net ek het nie so ver van julle gebly nie.

[PM]

Baie geluk matertjie.

Raaitjie, my teller wys nou 577. 

[Ans Botha]

Gawelina jy verdien dit. Ek kon net nie woorde vind vir hierdie gedig nie. Geluk en geniet jou prys.

[Meraai vannie Baai]

Nou wonder ek of Gawie al vir ons sneppie opgesit het van haar prys, of het ek dit gemis het   

[Gawelina]

 :  dontknow:

Staak die poskantore nie nog nie? Hier by ons staak elke tweede week 'n ander groep mense. Ek sien tot my liggaamlike krag staak vandag.  Dalk lê dit iewers in die poskantOor se argiewe en wag vir die werkers om terug te keer werk toe. Belowe ek sal dadelik laat weet as dit hier opdaag.