Author Topic: Vier Seisoene (Read 12345 times)

PM · « **on:** April 01, 2013, 10:22:22 AM »

Vier Seisoene © Ans Botha

met kromgetrekte hande
wag sy met blokkieskombers
oor haar bene in winter kou
staar sy voor haar uit

met oë wagtend gerig op stofpad
elke beweging laat haar
oë opgewonde blink
verlange opkyk na geslote hek

lente bring geure van bloeisels
blomme bring kleure
in haar tuintjie
vol verlange

reën het die somer aangekondig
lente is weg
voëltjies kwetter en sing
vir haar op haar bankie

steeds wag sy
met ineengetrekte hande
verlangende oë
op haar bankie in haar somerstuin.

blare verkleur na goud en bruin
bladwisselende bome verloor hul blare
om haar bankie
lê ‘n mat van herfs blare

‘n windjie waai ‘n blaar
op haar verrimpelde hand
met teerheid vou sy hom toe
maak sy vir oulaas haar oë toe

© Ans Botha

PM · « **Reply #1 on:** April 01, 2013, 10:23:52 AM »

Baie dankie vir jou inskrywing Ans. Dit is 'n baie mooi gedig. Ek het hierdie gedig by "kom ons help mekaar" geplaas waar ons kan skuur en skaaf totdat dit perfek is en reg vir die boek.

Ans Botha · « **Reply #2 on:** April 01, 2013, 03:55:35 PM »

Alles reg dankie PM.

Joe Daai Ou · « **Reply #3 on:** April 04, 2013, 09:33:17 AM »

Haai Ans, ek het van jou gedig gehou! Snaaks hoe die Winter mens kan terneergedruk maak en jy verwoord dit so mooi! Doet Zoo Voort!

Ans Botha · « **Reply #4 on:** April 04, 2013, 03:29:10 PM »

Dankie Joe, ja ek is glad nie 'n wintersmens nie! Gee my die son die hitte en ons ou plasie, en eks die gelukkigste mens op aarde

Ans Botha · « **Reply #5 on:** April 06, 2013, 12:15:37 PM »

met kromgetrekte hande
wag sy met blokkieskombers
oor haar bene in winter kou
staar sy voor haar uit

met oë wagtend gerig op stofpad
elke beweging laat haar
oë opgewonde blink
verlangend opkyk na geslote hek

lente bring geure van bloeisels
blomme bring kleure
in haar tuintjie
vol verlange

reën het die somer aangekondig
lente is weg
voëltjies kwetter en sing
vir haar op haar bankie

steeds wag sy
met ineengetrekte hande
verlangende oë
op haar bankie in haar somerstuin.

blare verkleur na goud en bruin
bome verloor hul loof
om haar bankie
lê ‘n mat van herfs blare

‘n windjie waai ‘n blaar
op haar verrimpelde hand
met teerheid vou sy hom toe
sluit sy vir oulaas haar oë

Ans Botha · « **Reply #6 on:** April 06, 2013, 12:17:53 PM »

Daars hy PM ek dink hy is reg so! Ek sien as jy iets kom plaas hier wys hy nie die koevertjie nie, ek moet self plaas om die koevertjie te kan kry onderaan my skryfstuk.

PM · « **Reply #7 on:** April 07, 2013, 04:26:11 PM »

Baie dankie Ansie, ek dink dit skitter nou. Dit is in die boek.
Julle ander kan nog kom kommentaar lewer en aanbevelings maak hoor.

adele · « **Reply #8 on:** May 18, 2013, 08:52:07 AM »

ek lief veral jou laaste strofe.

'n pennie ... in die eerste strofe is die twee woorde: winter kou
is dit een begrip ... een woord dalk?

ek wil ook iets vra wat ons by iemand anders al bespreek het, maar wat ek hier ook opmerk... hoe lees iemand iets wat ons aaneenskryf sonder leestekens ens? hiervoor wil ek die eerste 2 strofes as voorbeeld gebruik en gaan dit hierso plaas vir verdere bespreking saam met 'n kwatryn van my ...

hoop nie jy gee om nie

PM · « **Reply #9 on:** May 19, 2013, 04:40:19 PM »

Dit sal gaaf wees Adéle, daar is nog heelwat waaroor ek ook nie sekerheid het nie. 'n Bespreking sal net die antwoord wees.
Ek is ook nie seker oor die winter kou nie. As dit winter koue was, sou ons dit twee woorde geskryf het? Winter is dan die byvoeglike naamwoord? Winter beskryf die koue. Dan weer praat ons van "yskoud" maar ysig koud.

Ans Botha · « **Reply #10 on:** May 19, 2013, 07:21:28 PM »

"winter koue" sal dan beter klink as yskoud of ysig.

PM · « **Reply #11 on:** May 19, 2013, 07:26:02 PM »

Ans, daardie woorde is nie vir jou gedig nie, ek het dit maar net vir 'n voorbeeld gebruik. Adéle se "winterkou" een woord, sal loshande wen.

adele · « **Reply #12 on:** May 19, 2013, 08:09:25 PM »

ek verstaan jou gebruik van ysig Petra, .... as voorbeeld, maar dan liewer 'winter kou', Ans
want winter koue'' breek die ritme van jou mooi gedig ... soos dit vir my klink.

Ans Botha · « **Reply #13 on:** May 21, 2013, 03:52:17 PM »

Ek het ook nogal so gevoel. Dit was ook die eerste woord wat in my kop opgekom het toe ek die gedig gedoen het.

Ans Botha · « **Reply #14 on:** May 21, 2013, 03:54:19 PM »

jy het vroeër gevra of jul dit kan bespreek, julle is welkom.

PM · « **Reply #15 on:** May 21, 2013, 04:37:41 PM »

Dankie Ansie. Ek hoop dit gaan al stukke beter met jou. Jy is baie skaars, wanneer bring jy weer van jou skryfwerk.

Ans Botha · « **Reply #16 on:** May 21, 2013, 06:20:16 PM »

Ek sal eersdaags weer plaas. Was net bang jy hol weer met dit boek toe!!!

Gaan baie beter met my dankie.

PM · « **Reply #17 on:** May 22, 2013, 06:52:18 AM »

Ha ha, nee vriendin, die boek is vol. Daar is al 60 bladsye in boek 3. Julle sal maar solank moet begin spaar.

Ans Botha · « **Reply #18 on:** May 22, 2013, 03:46:39 PM »

Eish dankie!!! Nou kan ek ontspan!!

Ans Botha · « **Reply #19 on:** May 22, 2013, 03:49:36 PM »

O ja ek wou nog vir julle gesê het hoekom skryf ek sonder leestekens. Leon van Nierop het vir my gesê die goed is lastig. Nou ja nou maak ek nie van dit gebruik nie, en ek kom nogals agter as 'n mens so 'n gedig voordra, kan jy jou eie leiding neem met die voordra daarvan, die voordraer kan sy eie gedig met ander woorde skep as hy dit voordra. Maar ek kan verstaan hoekom digters aandring op leestekens.

PM · « **Reply #20 on:** May 26, 2013, 09:46:55 AM »

Dit is goed so Ansie. Ek dink ook leestekens is net nodig as jou werk dalk anders gelees word as wat jy dit graag wil oordra.

'n Goeie voorbeeld vir my is Elle (Angelica) se Bird’s Eye View. Ek het dit effens aangepas om op 'n bladsy te pas en sal dit in haar plek gaan plaas sodat ek kan toestemming kry om dit so in die boek te gebruik.

Ans Botha · « **Reply #21 on:** May 26, 2013, 04:02:18 PM »

Ek het dit gaan lees PM dit is pragtig. En as jy dit voordra, daar is soveel maniere om dit te doen as dit so geskryf is. Skuus!! Ek hou nogals van voordra. Ek kan nie 'n gedig lees sonder om dit op die voordra wyse te lees nie.

PM · « **Reply #22 on:** May 27, 2013, 10:29:13 AM »

Dit is die beste manier om dit te doen Ansie. Ek is bietjie toegegooi, uit die program kan ek ook nie iets raap en plak nie, ek moet dit eers oorskryf. Sal dit binnekort kom doen.

News:

Author Topic: Vier Seisoene (Read 12345 times)