Ingelegde liefdeslyne: Altyd

[Aspoestertjie]

Op 'n mat van sagte groen
by die spruit
het jy my gesoen.
Verewig op my lippe
af-ge-ets
die flinderpassie
van jou teerheid.
Daardie deel van jou
deel van my.
Altyd.

[Meraai vannie Baai]

Dankie vir die ene Aspoestertjie! Ek het gou 'n naamplakkertjie op die verskombuis se rak aangebring sodat ons ook ander maters se ingelegde liefdeslyne hier kan plaas waar joune nou pronk vir iewig enne biekie (altyd) 

[Aspoestertjie]

Oe ALLA! Nou moet ek nog net iemand kry om te soen. 

[Meraai vannie Baai]

Lees ek oor 'n gas se skouer en kom geniet weer 'n skeppie van jou ingelegde woorddis. Assie, nou wonder ek of jy al 'n soentjie gekry het?

[PM]

Ja, ek sal ook graag wil weet. 

[Meraai vannie Baai]

Assie se padda-prins. Tyd dat iemand  hom kom vra vir 'n soentjie of darem net afstof.

[PM]

Ek wens ek het hierdie paddaprings se geduld gehad.  Ek sou lankal ander weivelde gaan soek het.   

[Assie]

Ek raak ook nou al lank in die tand soos Blessie, my perd. Maar hier oppie plaas is geleentheid vir soen maar min. Ek wonder party dae as ek oppie internet lees van French kisses en sulke goed. Waar gaan ek dan nou 'n Fransman kry om daai te oefen.

[Meraai vannie Baai]

Ek sal bietjie gaan koekeloer of ek nie iewerste 'n erf raaklees met aanwysings dat jy solank kan oefen waar oupa jou nie sien nie Assie. Dalk is daar nog 'n video tot jou beskikking. Ek is bietjie verroes in die tipe tegnieke so ek swyg liewers 

[Naas]

Assie, het jy geweet die franse noem daai soen met die tong innie kies 'n Inglish kiss?

[Assie]

Klink vir my eerder na 'n tongknoper.