As woorde dros...

[Meraai vannie Baai]

PM:
Dit is verbasend hoe woorde kan "awall". 
Soek jy dit is dit weg, kry jy dit
is iemand anders besig om te praat.
Soek jy dit weer, is dit weer weg.   

Sorg dat jy pen en papier byderhand het, net vir wanneer die ontmoeting weer plaasvind.   

Naas:
Die ou grysmassa
tussen die klankhorings
se vertakkings, is al so baie
dat die woorde verdwaal
in die gange.

As hulle ontmoet sal ek hulle kom voorstel.

Meraai:
Tien getroue vriende rus op 'n sleutelbord
en tongkieswoorde, lettergrepig afgedruk
op my gees, waarop ek heeldag wou teer;
nou net 'n nagmerrie      in 'n woordtronk.

As hulle uitgelaat word op parool, sal ek hulle aantree, in gelid.

[Assie]

Ek wou nog altyd hierop antwoord maar het vergeet wat ek wou se.

 

[PM]

Jou stoute kabouter, ek dink jy moet weer dink en kom seg.   

[Assie]

Oom Naas het blowe hy bring vir my 'n woordeboek as die kouewit nou eers verby is.

 

[PM]

Hy moet dit liewers pos, die kouwit gaan nog lank met ons wees en jy weet mos, ek haat dit om te wag.   

[Assie]

Sal vir neef Wouter vra om dit te koerier. Miskien is die koerier outjie oulik.


 

[PM]

Dalk as hy van New Zeeland kom my kind! 

[Assie]

Gee nie om waarvandaan hy kom nie. Dit raak maar alleen hier oppie plaas veral met die kouewit ding wat mense in hulle eie huise tronk.

 

[PM]

Ja swaer, dit is maar swaar swaer.

[Naas]

Ja wragtag Assie, jy sal moet opskud Nanja soek 'n niggie of nefie. Smaak my Wouter en Anna is ook maar stadig.

 

[Assie]

Aai Oom Naas, mens ka net die lotto wen as jy speel.

 

[Meraai vannie Baai]

As woorde dros...

My tien getroue vingervriende verstyf gereeld op die sleutelbord van die tikkertjie soos ek tussen die voue in my kreukelkamer soek na die drosters.
Dink Outop sal my al in sy slaap kan antwoord so gereeld reageer hy op vrae soos die volgende: "Wat noem 'n mens dit nou weer as iemand net wegraak?"

Dan sal hy geduldig antwoord: "Dros."

Soms sal ek die spasie waar die verlore woord(e) moet inkom net so los en verder tik. Die witspasies word al hoe meer.  Een van die dae het ek tien styfdomvingers en naakte blaaie sonder lettergrepe. O die skande en sonde. Vra ek Outop gisteraand wat dink hy gaan gebeur as ek die reuse sleutel met sy gegote ysterwerke om hom (wat teen ons gordyn verskyn het) probeer gebruik om die onbekende oop te sluit?

Sou ek myself in die woordtronk bevind, omring met al die drosters? Dalk ontdek ek Alice se Wonderland en val alles weer in plek, dan kan ek die Wonderboek Van Woorde vir Assie en Naas gee om te illustreer sodat almal die woorde wat van kies-tot-kies gerol was 'wyl ek my verlustig het in die klanke, kan verstaan.

Wat gebeur as 'n skrywer niks skryf nie? 
R.W. Watkins het 'n gedig geskep met slegs drie naakte lyne as spasies waar woorde geplaas kan word! 

[Antjie Patat]

Skrywers gaan soms na plekke waar hulle kan kop skoonmaak, dan bevlie die woorde hulle se vingers soos n skuins-bemoerde-volstruismannetjie n indringer bevlie... Dan dans daai klompe oor die sleutels hoor....
Maar soms gebeur dinge wat die dros se deur oopruk, en as hy te lank oop is, wil die slotte nie meer toemaak nie.
Ek dink omstandighede kan mens se kreatiwiteit erg beinvloed omdat dit so sinkroniseer met jou brein en hartsnare.

 

[Meraai vannie Baai]

Antjie weet jy wat is vir my die wonderlikste van ons klompie? Die hoeke waaruit ons na dieselfde ding kyk. Klompe sal nooit weer vir my dieselfde wees nadat ek jou kommentaar gelees het nie. Dit is so beskrywend. Wonderlik om jou terug te he in ons midde!

[Assie]

As skrywers se gedagtes dwaal raak hul vingers stom...